കരിപ്പൂരിൽ മണ്ണിടിച്ചിൽ; രണ്ട് വീടുകൾ അപകടാവസ്‌ഥയിൽ

By Trainee Reporter, Malabar News
MALAPPURAM NEWS
അപകടാവസ്‌ഥയിലായ വീട്

മലപ്പുരം: കരിപ്പൂർ മലയിൻകീഴ് ഭാഗത്ത് ഞായറാഴ്‌ച രാത്രി ഉണ്ടായ മണ്ണിടിച്ചിലിൽ രണ്ട് വീടുകൾ അപകടാവസ്‌ഥയിൽ. ഏത് നിമിഷവും നിലംപൊത്താവുന്ന അവസ്‌ഥയിലാണ്‌ ഇരുവീടുകളും നിൽക്കുന്നത്. അമ്പതിലേറെ ഉയരത്തിൽ നൂറ് മീറ്ററോളം നീളത്തിലാണ് ഇവിടെ മണ്ണിടിഞ്ഞത്. പ്രവാസിയും കോട്ടയം സ്വദേശിയുമായ കോടങ്കണ്ടത്ത് വർഗീസ് ചാക്കോ, ഉദയഗിരിയിൽ സി ഗോപിനാഥ്‌ എന്നിവരുടെ വീടുകളാണ് അപകടാവസ്‌ഥയിൽ ആയത്.

വീട്ടുകാരെ മാറ്റിപ്പാർപ്പിച്ചിട്ടുണ്ട്. ഞായറാഴ്‌ച അർധരാത്രി ഉണ്ടായ ശക്‌തമായ ശബ്‌ദം കേട്ട് കുടുംബം പുറത്തേക്കോടി രക്ഷപെടുകയായിരുന്നു. ചാക്കോയുടെ വീടിന്റെ പിറകുവശത്തെ കോൺക്രീറ്റ് ഭിത്തിയും മതിലും കക്കൂസും തകർന്നിട്ടുണ്ട്. തറയുടെ ഭാഗം അന്തരീക്ഷത്തിലാണ് നിൽക്കുന്നത്. തറയും ചുമരും വിണ്ടുകീറിയിട്ടുണ്ട്. ഗോപിനാഥിന്റെ വീടിന് ചേർന്നുള്ള ഭാഗവും മണ്ണിടിഞ്ഞിട്ടുണ്ട്.

സമീപത്തെ നിർമാണത്തിലിരിക്കുന്ന വീടിന്റെ സംരക്ഷണ ഭിത്തിയും അപകടത്തിലാണ്. മണ്ണിടിച്ചിൽ സമീപത്തെ ആറ് വീടുകളെ ബാധിച്ചിട്ടുണ്ട്. ഒന്നര വർഷം മുമ്പാണ് 40 ലക്ഷം രൂപക്ക് ചാക്കോ വീട് വാങ്ങിയത്. റവന്യൂ, ഫയർഫോഴ്‌സ്, പോലീസ് അധികൃതരും സ്‌ഥലത്ത് എത്തിയിരുന്നു. സംഭവത്തിൽ കളക്‌ടർ റിപ്പോർട് തേടിയിട്ടുണ്ട്.

Most Read: ഇടപ്പള്ളിയിൽ മൂന്ന് നില കെട്ടിടത്തിൽ തീപിടുത്തം

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE