ലിജോ ജോസ് പെല്ലിശേരിയുടെ സംവിധാനത്തിൽ മമ്മൂട്ടി പ്രധാന കഥാപാത്രമായി എത്തുന്ന ചിത്രം ‘നൻപകൽ നേരത്ത് മയക്കം‘ ഷൂട്ടിംഗ് പൂർത്തിയായി. ഇന്നലെയാണ് ചിത്രീകരണം പൂർത്തിയായത്. ഒറ്റ ഷെഡ്യൂളിൽ തന്നെ ചിത്രം പൂർത്തീകരിച്ചു.
മമ്മൂട്ടി കമ്പനിയും ലിജോ ജോസ് പെല്ലിശേരിയുടെ ആമേൻ മൂവി മൊണാസ്ട്രിയുമാണ് ചിത്രം നിർമിക്കുന്നത്. ലിജോ പെല്ലിശേരിയുടെ കഥയ്ക്ക് എസ് ഹരീഷാണ് തിരക്കഥയും സംഭാഷണവും ഒരുക്കിയിരിക്കുന്നത്.
കന്യാകുമാരിയിൽ നിന്ന് തുടങ്ങിയ ഷൂട്ടിംഗ് കഴിഞ്ഞ ദിവസം പഴനിയിലാണ് പൂർത്തിയായത്. മമ്മൂട്ടി-ലിജോ കോമ്പിനേഷനിൽ ആദ്യമായി പുറത്തിറങ്ങുന്ന ചിത്രത്തിനായി വളരെ ആകാംക്ഷയോടെ കാത്തിരിക്കുകയാണ് പ്രേക്ഷകർ.
രമ്യ പാണ്ട്യൻ ആണ് ചിത്രത്തിലെ നായിക. അശോകനും ചിത്രത്തിൽ പ്രധാന വേഷത്തിലുണ്ട്. പേരൻപ്, കർണൻ, പുഴു എന്നീ സിനിമകളുടെ ഛായാഗ്രാഹകൻ തേനി ഈശ്വറാണ് ക്യാമറ കൈകാര്യം ചെയ്യുന്നത്.
Most Read: മൃദുലവും സുന്ദരവുമായ ചർമത്തിന് ഇതാ നാല് ഫേസ് പാക്കുകൾ