കോഴിക്കോട്: കൂടരഞ്ഞി കൂമ്പാറയില് ഇറച്ചിക്കോഴികളുമായി വന്ന ലോറി നിയന്ത്രണം വിട്ട് കടയിലേക്ക് പാഞ്ഞ് കയറി അപകടം. ലോറിയിലുണ്ടായിരുന്ന അഞ്ഞൂറോളം കോഴികള് അപകടത്തില് ചത്തു. സാരമായ പരിക്കുകളോടെ ലോറി ഡ്രൈവറെ ആശുപത്രിയില് പ്രവേശിപ്പിച്ചു.
കക്കാടംപൊയിലിലെ കോഴിഫാമില് നിന്നും കോഴികളുമായി വന്ന ലോറിയാണ് അപകടത്തില്പെട്ടത്. പുലര്ച്ചെ 4.30-ഓടെയാണ് അപകടമുണ്ടായത്. നിയന്ത്രണം വിട്ട ലോറി രണ്ട് ഓട്ടോറിക്ഷകളില് ഇടിച്ച ശേഷമാണ് ഒരു കടയിലേക്ക് പാഞ്ഞുകയറിയത്. പ്രദേശത്തെ വൈദ്യുതി പോസ്റ്റുകളും കേബിള് വയറുകളും അപകടത്തില് തകര്ന്നു. പകല് സമയത്ത് വലിയ തിരക്കുള്ള അങ്ങാടിയില് സംഭവം പുലര്ച്ചെയായതിനാല് വന് ദുരന്തം ഒഴിവായി. ചത്തതും പരിക്കേറ്റതുമായ കോഴിക്കളെ നീക്കാന് പഞ്ചായത്ത് അധികൃതര് നടപടി ആരംഭിച്ചിട്ടുണ്ട്.
Malabar News: വന്യമൃഗ ശല്യത്താല് വലഞ്ഞു മലപ്പുറം മലയോര മേഖല