രജിഷ വിജയൻ കേന്ദ്ര കഥാപാത്രത്തെ അവതരിപ്പിക്കുന്ന ചിത്രം ഖോ ഖോയുടെ തിയേറ്റർ പ്രദർശനം നിർത്തിവെച്ചു. കോവിഡ് പ്രോട്ടോകോൾ കണക്കിലെടുത്താണ് തീരുമാനം.
ചിത്രം ഒടിടി, ടിവി തുടങ്ങിയ സമാന്തര മാദ്ധ്യമങ്ങളിലൂടെ പ്രേക്ഷകരിലേക്ക് എത്തിക്കുമെന്ന് നിർമ്മാതാക്കൾ അറിയിച്ചു. വിഷുവിനായിരുന്നു ചിത്രം തിയേറ്ററുകളിൽ റിലീസ് ചെയ്തത്. നേരത്തെ കോവിഡ് രൂക്ഷമായ സാഹചര്യത്തിൽ ചിത്രത്തിന്റെ പ്രമോഷൻ പരിപാടികളും അണിയറ പ്രവർത്തകർ നിർത്തിവെച്ചിരുന്നു.
അതേസമയം കോവിഡ് വ്യാപനത്തിന്റെ പശ്ചാത്തലത്തിൽ 7 മണിക്ക് തിയേറ്ററുകൾ അടക്കണമെന്ന സർക്കാർ നിർദേശത്തിൽ തിയേറ്റർ ഉടമകൾ അനുകൂല നിലപാടെടുത്തു. സർക്കാർ നിർദ്ദേശിച്ച സമയ ക്രമീകരണത്തോടെ തിയേറ്റർ തുറക്കണോ, അടച്ചിടണോ എന്നത് ഉടമകളുടെ തീരുമാനം ആയിരിക്കും.
Also Read: കോൺഗ്രസ് വിട്ടുനിന്നു; ചെന്നിത്തലയുടെ പഞ്ചായത്തിൽ അധികാരം പിടിച്ച് ബിജെപി