കൊച്ചി: മരട് ഫ്ളാറ്റ് പൊളിക്കല് പാശ്ചാത്തലമാക്കി കണ്ണന് താമരക്കുളം സംവിധാനം ചെയ്ത ചിത്രത്തിന്റെ റിലീസ് എറണാകുളം മുന്സിഫ് കോടതി തടഞ്ഞു.’മരട് 357‘ എന്ന സിനിമയുടെ റിലീസാണ് തടഞ്ഞിരിക്കുന്നത്. സിനിമയുടെ ട്രെയ്ലറുകളോ ഭാഗങ്ങളോ റിലീസ് ചെയ്യരുതെന്നും മുന്സിഫ് കോടതിയുടെ ഉത്തരവിലുണ്ട്. കോടതിയുടെ പരിഗണനയിൽ ഉള്ള മരട് കേസിന്റെ വിചാരണയെ ചിത്രം ബാധിക്കുമെന്നാണ് ഫ്ളാറ്റ് നിര്മാതാക്കളുടെ ആരോപണം.
ഈ മാസം 19ന് തിയേറ്ററുകളില് എത്താനിരുന്ന ചിത്രമാണ് ‘മരട് 357‘. ദിനേശ് പള്ളത്തിന്റേതാണ് തിരക്കഥ. അനൂപ് മേനോനൊപ്പം ധര്മ്മജന് ബോല്ഗാട്ടി, ഷീലു എബ്രഹാം, നൂറിന് ഷെരീഫ്, മനോജ് കെ ജയന്, ബൈജു സന്തോഷ്, സാജില് സുദര്ശന്, സെന്തില് കൃഷ്ണ, സുധീഷ്, ഹരീഷ് കണാരന്, കൈലാഷ്, ശ്രീജിത്ത് രവി, ജയന് ചേര്ത്തല, സരയു തുടങ്ങി വലിയ താരനിരയാണ് ചിത്രത്തിൽ അണിനിരക്കുന്നത്.
Read Also: പാർവതിയുടെ ‘വർത്തമാനം’, ‘ആർക്കറിയാം’ ഒരുമിച്ച് തിയേറ്ററിലേക്ക്; മാർച്ച് 12ന്