ബോക്‌സിങ് റിങ്ങിനുള്ളിൽ ആരാധകരെ ആവേശം കൊള്ളിക്കുന്ന ഇതിഹാസ താരം മൈക്ക് ടൈസൺ സിനിമയിലും ചുവട് വെക്കാൻ ഒരുങ്ങുന്നു. ആരാധകർ കാത്തിരിക്കുന്ന വിജയ് ദേവരകൊണ്ട ചിത്രം ‘ലൈഗറി’ലാണ് മൈക്ക് ടൈസണ്‍ എത്തുന്നത്.
പുരി ജഗന്നാഥ് സംവിധാനം ചെയ്യുന്ന ചിത്രത്തില്‍ ബോക്‌സിങ് ലോകത്തെ അൽഭുത പ്രതിഭ അഭിനയിക്കുന്നുവെന്ന വമ്പന്‍ പ്രഖ്യാപനത്തിന് അത്യുഗ്രൻ വരവേൽപ്പ് തന്നെയാണ് ലഭിച്ചത്.
കഴിഞ്ഞ ദിവസം പുറത്ത് വിട്ട് മൈക്ക് ടൈസനെ ഉള്‍പ്പെടുത്തിയ പോസറ്റർ ആരാധകർ ഏറ്റെടുത്തുകഴിഞ്ഞു. ചിത്രത്തിന്റെ ക്ളൈമാക്‌സില്‍ അതിഥി വേഷത്തിലാണ് മൈക്ക് ടൈസണ്‍ എത്തുകയെന്നാണ് സൂചന.
പുരി ജഗന്നാഥും വിജയ് ദേവരകൊണ്ടയും ആദ്യമായി ഒന്നിക്കുന്ന ചിത്രമാണ് ലൈഗര്‍. കൂടാതെ വിജയ് ബോളിവുഡിൽ അരങ്ങേറ്റം കുറിക്കുന്ന സിനിമ കൂടിയാണിത്.
We promised you Madness!
We are just getting started 🙂For the first time on Indian Screens. Joining our mass spectacle – #LIGER
The Baddest Man on the Planet
The God of Boxing
The Legend, the Beast, the Greatest of all Time!IRON MIKE TYSON#NamasteTYSON pic.twitter.com/B8urGcv8HR
— Vijay Deverakonda (@TheDeverakonda) September 27, 2021
ചിത്രത്തിൽ മിക്‌സഡ് മാര്‍ഷ്യല്‍ ആര്‍ട്‌സ് താരമായാണ് വിജയ് വേഷമിടുന്നത്. സിനിമയിലെ വിജയ് ദേവരകൊണ്ടയുടെ ചിത്രങ്ങള്‍ സോഷ്യല്‍ മീഡിയയില്‍ വൈറലായിരുന്നു.
അനന്യ പാണ്ഡെയാണ് ചിത്രത്തിൽ നായികയായി എത്തുന്നത്. ധര്‍മ പ്രൊഡക്ഷന്‍സിന്റെ ബാനറില്‍ സംവിധായകനും നിര്‍മാതാവുമായ കരണ്‍ ജോഹറാണ് ചിത്രം നിര്‍മിക്കുന്നത്. പുരി ജഗന്നാഥും നടി ചര്‍മി കൗറും അപൂര്‍വ മെഹ്തയും ചിത്രത്തിന്റെ നിര്‍മാണ പങ്കാളികളാണ്.
വിജയ്‌യുടെ ആദ്യ പാന്‍ ഇന്ത്യന്‍ ചിത്രമാണിത്. ഹിന്ദി, തെലുങ്ക് ഭാഷകളിലാണ് ചിത്രമെങ്കിലും തമിഴ്, കന്നഡ, മലയാളം എന്നീ ഭാഷകളിൽ മൊഴിമാറ്റിയും ചിത്രം പ്രദര്‍ശനത്തിന് എത്തും.
വിഷ്‌ണു ശര്‍മയാണ് ചിത്രത്തിന്റെ ഛായാഗ്രഹണം നിര്‍വഹിക്കുന്നത്. രമ്യ കൃഷ്‌ണന്‍, റോണിത് റോയ്, വിഷ്‌ണു റെഡി, ആലി, മകരന്ദ് ദേശ് പാണ്ഡെ, ഗെറ്റ് അപ് ശ്രീനു തുടങ്ങിയവരും ചിത്രത്തിൽ അണിനിരക്കുന്നു.
Most Read: ആക്‌സിഡിനും ജാൻവിക്കും കന്നിമാസത്തിൽ താലികെട്ട്
