തിരുവനന്തപുരം : സംസ്ഥാനത്ത് കാലവർഷം എത്തിയെന്ന പ്രഖ്യാപനത്തിന് പിന്നാലെ ശക്തമായ മഴയെ തുടർന്ന് 8 ജില്ലകളിൽ ഇന്ന് യെല്ലോ അലർട്. വയനാട്, കോഴിക്കോട്, മലപ്പുറം, തൃശൂർ, ഇടുക്കി, കോട്ടയം, ആലപ്പുഴ, പത്തനംതിട്ട എന്നീ ജില്ലകളിലാണ് ഇന്ന് യെല്ലോ അലർട് പ്രഖ്യാപിച്ചിട്ടുള്ളത്. ഇവിടങ്ങളിൽ ശക്തമായ മഴ ഉണ്ടാകാനുള്ള സാധ്യതയുണ്ടെന്ന് അധികൃതർ വ്യക്തമാക്കി.
അതേസമയം കോഴിക്കോട്, ഇടുക്കി, മലപ്പുറം, തൃശൂർ, എറണാകുളം എന്നീ 5 ജില്ലകളിലാണ് ശക്തമായ മഴയെ തുടർന്ന് നാളെ യെല്ലോ അലർട് പ്രഖ്യാപിച്ചിട്ടുള്ളത്. കൂടാതെ മണിക്കൂറിൽ 50 കിലോമീറ്റർ വരെ വേഗത്തിൽ അറബിക്കടലിൽ കാറ്റ് വീശാൻ സാധ്യതയുണ്ടെന്നും, അതിനാൽ നാളെ വരെ മൽസ്യ തൊഴിലാളികൾ കടലിൽ പോകുന്നതിന് വിലക്ക് ഏർപ്പെടുത്തിയിട്ടുണ്ടെന്നും അധികൃതർ വ്യക്തമാക്കി.
തെക്കൻ ജില്ലകളിൽ എത്തിയ കാലവർഷം ഇന്നും നാളെയുമായി കേരളം മുഴുവൻ വ്യാപിക്കുമെന്നാണ് കാലാവസ്ഥാ കേന്ദ്രം അറിയിച്ചത്. കഴിഞ്ഞ ദിവസങ്ങളിൽ സംസ്ഥാനത്തെ 9 കേന്ദ്രങ്ങളിലായി 2.5 മില്ലിമീറ്റർ മഴ പെയ്തതായും, ഒപ്പം പടിഞ്ഞാറൻ കാറ്റ് ശക്തി പ്രാപിച്ചതായും കേന്ദ്രം വ്യക്തമാക്കി.
Read also : രണ്ടാം എൽഡിഎഫ് സർക്കാരിന്റെ ആദ്യ ബജറ്റ് ഇന്ന്; പ്രതീക്ഷയോടെ കേരളം