വെബ്, ഡെസ്‌ക്‌ടോപ് ആപ്‌ളിക്കേഷൻ ഉപയോക്‌താക്കൾക്ക് വേണ്ടി പുതിയ സുരക്ഷാ ഫീച്ചർ അവതരിപ്പിച്ച് വാട്‌സാപ്. ഫോൺ ഉപയോഗിച്ച് വെബ് ലോഗിൻ ചെയ്യുമ്പോൾ വിരലടയാളം അല്ലെങ്കിൽ ഫേസ് ഐഡി ഉപയോഗിച്ച് ലോഗിൻ ചെയ്യാൻ യൂസേഴ്‌സിന് സാധിക്കും.
വാട്‌സാപ് അക്കൗണ്ട് കംപ്യൂട്ടറിലേക്ക് ലിങ്ക് ചെയ്യുമ്പോൾ ഈ ഫീച്ചർ അധിക പരിരക്ഷ നൽകുമെന്ന് അധികൃതർ അറിയിച്ചു. വെബിൽ കണക്‌ട് ചെയ്‌തിരിക്കുന്ന വാട്‌സാപ്പിലേക്ക് നിയമവിരുദ്ധമായി ലോഗിൻ ചെയ്യുന്നത് പുതിയ ഫീച്ചർ തടയും. അനുമതിയില്ലാതെ ആരെങ്കിലും ലോഗിൻ ചെയ്യാൻ ശ്രമിച്ചാൽ നിങ്ങളുടെ മൊബൈൽ ഫോണിലേക്ക് സുരക്ഷാ സന്ദേശവും എത്തും.
ഈ ഫീച്ചർ ആക്റ്റിവേറ്റ് ചെയ്യുന്നതിനായി ആദ്യം വാട്‌സാപ് സെറ്റിങ്സിലേക്ക് പോവുക. വെബ് / ഡെസ്‌ക്‌ടോപ് ഓപ്ഷൻ തിരഞ്ഞെടുക്കുക. തുടർന്ന് ഫോൺ ലിങ്കിൽ ടാപ്പ് ചെയ്‌ത്‌ ഫേസ് ലോക്കോ വിരലടയാളമോ സെറ്റ് ചെയ്യാവുന്നതാണ്.
Also Read: കർഷക സമരം; സിംഗുവിൽ മാദ്ധ്യമങ്ങൾക്ക് പ്രവേശനവിലക്ക്
