മുപ്പത്തിയാറാം ജൻമദിനമാഘോഷിക്കുന്ന തെന്നിന്ത്യൻ ലേഡി സൂപ്പർസ്‌റ്റാർ നയൻതാരയുടെ ‘നേട്രികൺ’ ടീസർ പുറത്ത്. മിലിന്ദ് റാവു സംവിധാനം ചെയ്യുന്ന ഏറ്റവും പുതിയ ചിത്രമാണ് ‘നേട്രികൺ’. സംവിധായകനും നയൻതാരയുടെ കാമുകനുമായ വിഘ്‌നേശ് ശിവനാണ് റൗഡി പിക്‌ച്ചേഴ്‌സിന്റെ ബാനറിൽ ചിത്രം നിർമിക്കുന്നത്. കാർത്തിക് ഗണേഷാണ് ചിത്രത്തിന്റെ ഛായാഗ്രഹണം. കൊറിയൻ ത്രില്ലറിന്റെ റീമേക്കാണ് ‘നേട്രികൺ’. ചിത്രത്തിൽ കാഴ്‌ച തകരാറുള്ള പെൺകുട്ടിയുടെ വേഷമാണ് നയൻ‌താര ചെയ്യുന്നതെന്നാണ് സൂചന.
താരസുന്ദരിയുടെ ജൻമദിനത്തോടനുബന്ധിച്ച് ‘നിഴൽ’ സിനിമയുടെ സെക്കൻഡ് ലുക്ക് പോസ്‌റ്ററും റിലീസ് ചെയ്‌തിട്ടുണ്ട്‌.
Happy Birthday Superstar ? | #Nayanthara #Nizhal #HBDNayanthara #Appu01Nizhal
Posted by Nizhalmovie on Tuesday, November 17, 2020
കുഞ്ചാക്കോ ബോബനും നയൻതാരയും ഒരുമിച്ചെത്തുന്ന ആദ്യ സിനിമയെന്ന പ്രത്യേകതയും നിഴലിനുണ്ട്. അപ്പു എൻ ഭട്ടതിരിയാണ് ചിത്രം സംവിധാനം ചെയ്യുന്നത്.
Read also: ഫിഫ ക്‌ളബ് ലോകകപ്പ് ഫെബ്രുവരിയില്‍; വേദി ഖത്തർ തന്നെ
