സമകാലിക സാമൂഹിക സാഹചര്യങ്ങളില് അന്ധവിശ്വാസങ്ങളും, ആള്ദൈവങ്ങളും എത്രത്തോളം സ്വാധീനം ചെലുത്തുന്നു എന്ന് അടയാളപ്പെടുത്തുന്ന തമിഴ് ചിത്രം ‘മൂക്കുത്തി അമ്മന്‘ ട്രെയിലര് പുറത്തുവിട്ടു. തെന്നിന്ത്യന് സൂപ്പര് താരം നയന്താരയാണ് ചിത്രത്തില് പ്രധാന വേഷത്തില് എത്തുന്നത്.
സാമൂഹിക പ്രസക്തിയുള്ള വിഷയം കൈകാര്യം ചെയ്യുന്ന ചിത്രം ആക്ഷേപ ഹാസ്യ വിഭാഗത്തില്പ്പെടുന്നു. നടന് ആര്ജെ ബാലാജി ആദ്യമായി സംവിധാനം ചെയ്യുന്ന ചിത്രത്തില് മലയാളികളുടെ പ്രിയ താരം ഉര്വശിയും മുഖ്യ വേഷം അവതരിപ്പിക്കുന്നു. ബാലാജിയും എന്ജെ ശരവണനും ചേര്ന്നാണ് സംവിധാനം നിര്വഹിച്ചത്.
ഇഷാരി കെ ഗണേഷാണ് ചിത്രം നിര്മ്മിച്ചത്. സംവിധായകനായ ബാലാജി തന്നെയാണ് നായക വേഷം കൈകാര്യം ചെയ്യുന്നത്. മൗലി, അജയ് ഘോഷ്, സ്മൃതി വെങ്കട്ട്, മനോബാല, മയില്സാമി എന്നിവരാണ് മറ്റു വേഷങ്ങളില് അഭിനയിക്കുന്നത്.
സംഗീതം ജി.ഗിരീഷും ഛായാഗ്രഹണം ദിനേശ് കൃഷ്ണനും നിര്വഹിച്ചിരിക്കുന്നു. ഒടിടി പ്ളാറ്റ്ഫോമായ ഡിസ്നി+ ഹോട് സ്റ്റാറിലൂടെയാണ് ചിത്രം പ്രദര്ശനത്തിന് എത്തുന്നത്. നവംബര് 14-നാണ് റിലീസ് തീരുമാനിച്ചിരിക്കുന്നത്.
Read Also: ‘കറുത്ത ഭൂമി’യിലൂടെ വീണ്ടും സംഗീത സംവിധായകയാവാന് സയനോര