ന്യൂഡെല്ഹി : രാജ്യതലസ്ഥാനത്ത് കാര്ഷിക നിയമങ്ങള്ക്കെതിരെ സമരം ശക്തമാകുന്ന സാഹചര്യത്തില് കര്ഷക സംഘടനാ നേതാവിന് എന്ഐഎ നോട്ടീസ് നല്കി. സംയുക്ത കര്ഷക മോര്ച്ച നേതാവ് ബല്ദേവ് സിംഗ് സിര്സക്കാണ് എന്ഐഎ നോട്ടീസ് സമര്പ്പിച്ചത്. ചോദ്യം ചെയ്യലിന് ഹാജരാകണമെന്നാണ് നോട്ടീസില് ആവശ്യപ്പെട്ടിരിക്കുന്നത്.
സിഖ് ഫോര് ജസ്റ്റിസ് എന്ന സംഘടനക്കെതിരെ എന്ഐഎ എടുത്ത കേസില് ചോദ്യം ചെയ്യലിന് വേണ്ടിയാണ് ഇപ്പോള് ബല്ദേവ് സിംഗ് സിര്സക്ക് നോട്ടീസ് അയച്ചിരിക്കുന്നത്. അതേസമയം തന്നെ കാര്ഷിക ബില്ലുകള്ക്കെതിരെയുള്ള സമരം കൂടുതല് ശക്തമാക്കാനുള്ള തീരുമാനത്തിലാണ് കര്ഷക സംഘടനകള്.
കഴിഞ്ഞ ദിവസം കേന്ദ്രസര്ക്കാരുമായി നടന്ന ഒന്പതാംവട്ട ചര്ച്ചയും പരാജയപ്പെട്ടിരുന്നു. ഇതോടെ കാര്ഷിക നിയമങ്ങള് പിന്വലിക്കാന് സര്ക്കാര് തയ്യാറാകുന്നത് വരെ ശക്തമായ സമരവുമായി മുന്നോട്ട് പോകാനുള്ള തീരുമാനത്തിലാണ് കര്ഷകര്. സമരം ശക്തമാക്കുന്നതിന്റെ ഭാഗമായി റിപ്പബ്ളിക് ദിനത്തില് സമാധാനപരമായ ട്രാക്ടർ റാലി നടത്തുമെന്ന് കര്ഷക സംഘടനകള് അറിയിച്ചു. കൂടാതെ ചൊവ്വാഴ്ച കേന്ദ്രസര്ക്കാരുമായി പത്താംവട്ട ചര്ച്ച നടത്തുമെന്ന് കര്ഷക സംഘടനകള് വ്യക്തമാക്കി.
Read also : വാക്സിൻ എടുത്താലും ജാഗ്രത തുടരണം; ആരോഗ്യമന്ത്രി