തിരുവനന്തപുരം: സെക്രട്ടറിയേറ്റിലെ മുഴുവന് പേപ്പര് ഫയലുകളും ഇ- ഫയലുകളാക്കാന് നിര്ദ്ദേശം. പൊതുഭരണവകുപ്പ് അഡീഷണല് സെക്രട്ടറിയാണ് നിര്ദ്ദേശം പുറപ്പെടുവിച്ചത്.
സെക്രട്ടറിയേറ്റിലെ എല്ലാ വകുപ്പുകളിലെയും പേപ്പര് ഫയലുകള് അടിയന്തരമായ്, സ്കാന് ചെയ്ത് ഇ- ഫയലുകളാക്കാനാണ് പറഞ്ഞിരിക്കുന്നത്. ഇത് സംബന്ധിച്ച് വിവിധ വകുപ്പുകള്ക്ക് നിര്ദേശങ്ങള് നല്കി കഴിഞ്ഞു. കഴിഞ്ഞ ദിവസം സെക്രട്ടറിയേറ്റിലുണ്ടായ തീപിടുത്തത്തില് ഫയലുകള് കത്തി നശിച്ചിരുന്നു. സംഭവത്തില് പ്രതിഷേധം ശക്തമാകുന്ന സാഹചര്യത്തിലാണ് അഡീഷനല് സെക്രട്ടറിയുടെ നിര്ദ്ദേശം.