കണ്ണൂർ: നോക്കുകൂലി ആവശ്യപ്പെട്ട് സിഐടിയു ചുമട്ടു തൊഴിലാളികൾ കടയുടമകളെ ആക്രമിച്ചതായി പരാതി. കണ്ണൂർ ജില്ലയിലെ മാതമംഗലത്താണ് സംഭവം. സാധനങ്ങൾ ഇറക്കുന്നതിനിടെ നോക്കുകൂലി ആവശ്യപ്പെട്ടതിനെ തുടർന്നാണ് മർദ്ദനം നടന്നത്. മാതമംഗലത്തെ എസ്ആർ അസോസിയേറ്റ്‌സ് ഉടമ റബി മുഹമ്മദ്, സഹോദരൻ റാഫി എന്നിവരെയാണ് മർദ്ദിച്ചത്.
ഇവർ കടയിലേക്ക് സ്വന്തമായി സാധനങ്ങൾ ഇറക്കുന്നത് ചോദ്യം ചെയ്‌ത്‌ സിഐടിയു ചുമട്ടു തൊഴിലാളികൾ രംഗത്തെത്തുകയും തുടർന്ന് കടയുടമകളെ മർദ്ദിക്കുകയായിരുന്നുവെന്നാണ് പരാതി. എന്നാൽ, കടയിലേക്ക് സ്വന്തം തൊഴിലാളികളെ ഉപയോഗിച്ച് സാധനങ്ങൾ ഇറക്കാൻ കടയുടമ കോടതിയിൽ നിന്ന് അനുമതി വാങ്ങിയിരുന്നു.
അതേസമയം, കടയുടമകൾ തങ്ങളെ മർദ്ദിച്ചുവെന്ന് ആരോപിച്ച് രണ്ടു സിഐടിയു പ്രവർത്തകർ ആശുപത്രിയിൽ ചികിൽസ തേടിയിട്ടുണ്ട്. പ്രദേശത്ത് നോക്കുകൂലി ആവശ്യപ്പെട്ടുള്ള സിഐടിയു തൊഴിലാളികളുടെ ഭീഷണിക്കെതിരെ വ്യാപാരികളും പ്രതിഷേധവുമായി രംഗത്തെത്തിയിട്ടുണ്ട്.
Read Also: മലമ്പുഴ ഉദ്യാനത്തിൽ കർശന നിയന്ത്രണം; പ്രത്യേക ഉദ്യോഗസ്‌ഥരെ നിയോഗിച്ചു
