കൊല്ലം: ജില്ലയിലെ കുരീപ്പുഴ കോൺവെന്റിൽ കന്യാസ്ത്രീയെ കിണറിൽ മരിച്ച നിലയിൽ കണ്ടെത്തി. കരുനാഗപ്പള്ളി പാവുമ്പ സ്വദേശിനി മേബിൾ ജോസഫിന്റെ മൃതദേഹമാണ് കിണറ്റിൽ കണ്ടെത്തിയത്.
രാവിലെ പ്രാർഥനക്ക് സിസ്റ്റർ മേബിൾ എത്താത്തതിനെ തുടർന്ന് നടത്തിയ അന്വേഷണത്തിലാണ് മൃതദേഹം കണ്ടെത്തിയത്. സിസ്റ്ററിന്റെ മുറിയിൽ നിന്ന് ആത്മഹത്യാ കുറിപ്പും കണ്ടെത്തി. ശാരീരിക ബുദ്ധിമുട്ടുകളും അലർജി സംബന്ധമായ പ്രശ്നങ്ങളും കാരണം ജീവിതം അവസാനിപ്പിക്കുകയാണ് എന്നും കിണറ്റിൽ ഉണ്ടാകുമെന്നുമാണ് കുറിപ്പിൽ എഴുതിയിരിക്കുന്നത്.
തന്റെ മരണത്തിൽ ആർക്കും പങ്കില്ലെന്നും ആരുടേയും പ്രേരണയിലല്ല താൻ ജീവിതം അവസാനിപ്പിക്കുന്നത് എന്നും കുറിപ്പിലുണ്ട്. ഒരു മാസം മുൻപാണ് സിസ്റ്റർ മേബിൾ ഈ കോൺവെന്റിലേക്ക് എത്തിയത് എന്നാണ് വിവരം. ആർഡിഒയുടെ സാന്നിധ്യത്തിൽ മൃതദേഹം പുറത്തെടുത്ത് ഇൻക്വസ്റ്റ് നടപടികൾ തുടരും.
Also Read: അഭിമന്യു വധം; മുഖ്യപ്രതിയായ ആർഎസ്എസ് പ്രവർത്തകൻ പോലീസിൽ കീഴടങ്ങി