ഇടുക്കി: ഇടുക്കി കട്ടപ്പനയിൽ വയോധികയെ വീടിനുള്ളിൽ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. കൊച്ചുപുരക്കൽ ജോർജിന്റെ ഭാര്യ 60 വയസുകാരിയായ ചിന്നമ്മയാണ് മരിച്ചത്. വായിൽ തുണി തിരുകിയ നിലയിലാണ് മൃതദേഹം കണ്ടെത്തിയത്.
മോഷണ ശ്രമത്തിനിടെയുള്ള കൊലപാതകമെന്ന് പോലീസ് സംശയിക്കുന്നു. ഇവരുടെ കഴുത്തിൽ ഉണ്ടായിരുന്ന മാല നഷ്‌ടപ്പെട്ടിട്ടുണ്ട്. ഇന്ന് പുലര്‍ച്ചെയാണ് ജോര്‍ജ് ഭാര്യയെ മരിച്ചനിലയില്‍ കണ്ടത്. ജോര്‍ജ് മുകളിലത്തെ നിലയിലും ചിന്നമ്മ താഴത്തെ നിലയിലുമായിരുന്നു ഇന്നലെ കിടന്നിരുന്നത്. സംഭവത്തില്‍ കട്ടപ്പന പോലീസ് അന്വേഷണം തുടങ്ങി.
Also Read: കസ്‌റ്റംസ് നോട്ടീസ്; ചോദ്യം ചെയ്യലിന് സ്‌പീക്കർ ഹാജരാവില്ല
