സന്തോഷ് വിശ്വനാഥൻ സംവിധാനം ചെയ്യുന്ന പൊളിറ്റിക്കല് ത്രില്ലര് ചിത്രം ‘വണ്ണി’ന്റെ പുതിയ പോസ്റ്റർ പുറത്ത്. ചിത്രത്തിൽ നായകനായി എത്തുന്ന മെഗാസ്റ്റാര് മമ്മൂട്ടി തന്നെയാണ് തന്റെ ഫേസ്ബുക്ക് പേജിലൂടെ സിനിമയുടെ പുതിയ പോസ്റ്റര് പങ്കുവെച്ചത്. മമ്മൂട്ടിയും നിമിഷ സജയനുമാണ് പോസ്റ്ററിൽ.
കേരള മുഖ്യമന്ത്രിയായി മമ്മൂട്ടി എത്തുന്നു എന്ന സവിശേഷതയും ചിത്രത്തിനുണ്ട്. ‘കടയ്ക്കൽ ചന്ദ്രന്’ എന്നാണ് മമ്മൂട്ടിയുടെ കഥാപാത്രത്തിന്റെ പേര്. നേരത്തെ ‘യാത്ര’ എന്ന ചിത്രത്തിൽ ആന്ധ്ര മുന് മുഖ്യമന്ത്രി വൈഎസ്ആറിന്റെ വേഷത്തില് മമ്മൂട്ടി എത്തിയിരുന്നു. ഏറെ ശ്രദ്ധ നേടിയ ഈ ചിത്രത്തിന് പിന്നാലെയാണ് കേരള മുഖ്യമന്ത്രിയായും മമ്മൂട്ടി എത്തുന്നത്.
ബോബി സഞ്ജയ് തിരക്കഥ ഒരുക്കിയിരിക്കുന്ന ഈ ചിത്രം ഇച്ചായിസ് പ്രൊഡക്ഷന്സാണ് നിര്മ്മിക്കുന്നത്. നിമിഷ സജയന്, ജോജു ജോര്ജ്, രഞ്ജിത്, സിദ്ധിഖ്, മുരളി ഗോപി, സുദേവ് നായര്, ജഗദീഷ് തുടങ്ങിയവരും ചിത്രത്തിൽ പ്രധാന വേഷത്തിൽ എത്തുന്നു.
Read Also: പരിശീലകൻ കിബു വികൂനയെ പുറത്താക്കി ബ്ളാസ്റ്റേഴ്സ്