കണ്ണൂർ : ജില്ലയിലെ കൊട്ടിയൂരിൽ വനംവകുപ്പ് ഉദ്യോഗസ്ഥർക്ക് നേരെ നായാട്ട് സംഘം വെടിവച്ച സംഭവത്തിൽ ഒരാളെ അറസ്റ്റ് ചെയ്തു. മൂന്നംഗ നായാട്ട് സംഘമാണ് വനംവകുപ്പ് ഉദ്യോഗസ്ഥർക്ക് നേരെ വെടിയുതിർത്തത്. ഇതിൽ ബിനോയ് എന്നയാളെയാണ് ഉദ്യോഗസ്ഥർ പിടികൂടിയത്.
ഇന്നലെ രാത്രിയോടെയാണ് കൊട്ടിയൂർ മേഖലയിൽ പരിശോധന നടത്തുകയായിരുന്ന വനംവകുപ്പ് ഉദ്യോഗസ്ഥർക്ക് നേരെ നായാട്ട് സംഘം വെടിയുതിർത്തത്. എന്നാൽ വെടിവെപ്പിൽ ആർക്കും പരിക്ക് പറ്റിയിട്ടില്ല.
വനംവകുപ്പ് ഉദ്യോഗസ്ഥർ പിടികൂടിയ ബിനോയിയിൽ നിന്നും ലൈസൻസില്ലാത്ത നാടൻ തോക്കുകൾ ഉദ്യോഗസ്ഥർ കണ്ടെടുത്തു. കൂടാതെ ഇയാൾക്കൊപ്പം ഉണ്ടായിരുന്ന മറ്റ് രണ്ട് പേരെ കുറിച്ചും ഉദ്യോഗസ്ഥർ അന്വേഷണം നടത്തി വരികയാണ്. ബിനോയിയെ ഇന്ന് കോടതിയിൽ ഹാജരാക്കിയ ശേഷം റിമാൻഡ് ചെയ്യുമെന്ന് ഉദ്യോഗസ്ഥർ വ്യക്തമാക്കി.
Read also : 18 ആശുപത്രികള്ക്ക് 1,107 കോടി രൂപ അനുവദിച്ച് കിഫ്ബി