തിരുവനന്തപുരം : സംസ്‌ഥാനത്ത് ഓൺലൈൻ മദ്യവിൽപനയിൽ നിലവിൽ തീരുമാനങ്ങൾ എടുത്തിട്ടില്ലെന്നും, അതിനാൽ തന്നെ ഇത് ഉടൻ നടപ്പാക്കില്ലെന്നും വ്യക്‌തമാക്കി എക്‌സൈസ്‌ വകുപ്പ്. കൂടാതെ കോവിഡ് വ്യാപനത്തിന്റെ പശ്‌ചാത്തലത്തിൽ ബാറുകൾ പൂട്ടിയ സാഹചര്യത്തിൽ ഒരു ബദൽ മാർഗവും നിലവിൽ ആലോചനയിൽ ഇല്ലെന്നും എക്‌സൈസ്‌ കൂട്ടിച്ചേർത്തു.
മദ്യ വിതരണത്തിനായി ആപ്പ് ഉൾപ്പടെ ഒന്നും പരിഗണനയിൽ ഇല്ലെന്നും, കോവിഡ് തടയുന്നതിനാണ് നിലവിൽ പ്രഥമ പരിഗണന നൽകുന്നതെന്നും അധികൃതർ വ്യക്‌തമാക്കി. സംസ്‌ഥാനത്ത് കോവിഡ് വ്യാപനം അതി രൂക്ഷമായി തുടരുന്ന സാഹചര്യത്തിലാണ് ബാറുകളും, ബിവറേജ് ഔട്ട്ലൈറ്റുകളും അടച്ചു പൂട്ടാൻ തീരുമാനമെടുത്തത്. ഇത് പ്രകാരം ഇന്ന് മുതലാണ് സംസ്‌ഥാനത്തെ ബാറുകളും, ബിവറേജുകളും അടച്ചത്.
Read also : ഹോം ഐസൊലേഷൻ; അൽപം ശ്രദ്ധിച്ചാൽ നേട്ടമേറെ; നിർദ്ദേശങ്ങളുമായി ആരോഗ്യമന്ത്രി
