തിരുവനന്തപുരം: ഐഎന്‍എലിൽ നേതാക്കളുടെ പോര് മുറുകുന്നതിനിടെ മുന്നറിയിപ്പ് നല്‍കി സിപിഎം സംസ്‌ഥാന സെക്രട്ടറി എ വിജയരാഘവന്‍. ഇടതുപക്ഷ മുന്നണിയില്‍ ഒരു ഐഎന്‍എലിന് മാത്രമേ സ്‌ഥാനമുള്ളൂ എന്നും ഇരുവിഭാഗവും ഒരുമിച്ച് പ്രവര്‍ത്തിക്കണമെന്നും വിജയരാഘവന്‍ വ്യക്‌തമാക്കി. വിഷയത്തില്‍ എല്‍ഡിഎഫിന്റെ താൽപര്യം എന്താണെന്ന് നേതാക്കളെ അറിയിച്ചുവെന്നും ഐഎന്‍എല്‍ പ്രശ്‌നങ്ങള്‍ പരിഹരിക്കാന്‍ തയ്യാറാകണമെന്നും അദ്ദേഹം പറഞ്ഞു. ഹരിത വിഷയത്തില്‍ ലീഗ് നടപടി സ്‌ത്രീ വിരുദ്ധമാണ്. ലീഗിന്റെ തീരുമാനങ്ങളില്‍ ജമാ അത്തെ ഇസ്‌ലാമി ബന്ധം വ്യക്‌തമായ സ്വാധീനം ചെലുത്തുന്നതായും എ വിജയരാഘവന്‍ കൂട്ടിച്ചേര്‍ത്തു.
Read also: സർക്കാരിന്റേത് മനസാക്ഷി ഇല്ലാത്ത നടപടി; രമേശ് ചെന്നിത്തല
