കണ്ണൂർ: തിരഞ്ഞെടുപ്പ് സമയത്ത് സികെ ജാനുവിന് പണം നൽകിയെന്ന ആരോപണം ഗൂഢാലോചനയെന്ന ബിജെപി സംസ്ഥാന അധ്യക്ഷൻ കെ സുരേന്ദ്രന്റെ നിലപാട് അപ്രസക്തമെന്ന് പി ജയരാജൻ. ഒരു കുറ്റവാളി തൊണ്ടിസഹിതം പിടിക്കപ്പെടുമ്പോൾ കാണിക്കുന്ന വെപ്രാളമാണ് സുരേന്ദ്രന്റേത്. അർജെപി നേതാവ് പ്രസീതയുമായി താൻ കൂടിക്കാഴ്ച നടത്തിയെന്ന സുരേന്ദ്രന്റെ ആരോപണത്തിൽ വിശദീകരണം നൽകുകയായിരുന്നു പി ജയരാജൻ.
താൻ പ്രസീതയെ കണ്ടോ ഇല്ലയോ എന്ന വിഷയത്തിലല്ല, മറിച്ച് സുരേന്ദ്രന് എതിരായ ആരോപണത്തിലാണ് അന്വേഷണം വേണ്ടത്. സികെ ജാനുവിന്റെ പാർട്ടി ട്രഷററായിരുന്ന പ്രസീത ഗുരുതര ആരോപണങ്ങളാണ് ഉയർത്തിയിരിക്കുന്നത്. ശബ്ദരേഖകളും മാദ്ധ്യമങ്ങളിലൂടെ പുറത്തുവന്നു. അതിനാണ് സുരേന്ദ്രൻ മറുപടി നൽകേണ്ടത്. പ്രസീതയെ ആര് ബന്ധപെട്ടു, ആരെല്ലാം അവരുമായി കൂടിക്കാഴ്ച നടത്തി എന്നതെല്ലാം അപ്രസക്തമാണ്, ജയരാജൻ വിശദീകരിച്ചു.
കെ സുരേന്ദ്രന്റെ ആരോപണം നിഷേധിച്ച് അർജെപി നേതാവ് പ്രസീതയും രംഗത്തെത്തി. പി ജയരാജനെ അടുത്തകാലത്തൊന്നും കണ്ടിട്ടില്ലെന്നാണ് പ്രസീത പ്രതികരിച്ചത്.
Read also: ലക്ഷദ്വീപിൽ ഭക്ഷ്യധാന്യ വിതരണം ഉറപ്പാക്കണം; കളക്ടർക്ക് ഹൈക്കോടതി നിർദ്ദേശം