രംഗ ബുവനേശ്വർ സംവിധാനം ചെയ്യുന്ന ‘പാമ്പാടും ചോലൈ‘ ചിത്രത്തിന്റെ പോസ്‌റ്റർ മലയാളം, തമിഴ് ചലച്ചിത്ര മേഖലയിലെ പ്രമുഖർ ചേർന്ന് റിലീസ് ചെയ്‌തു. റിയാസ് എംടി കഥയും, തിരക്കഥയും നിർവഹിക്കുന്ന ഈ തമിഴ് ക്രൈം ത്രില്ലർ ആൽഫ ഓഷ്യൻ പ്രൊഡക്ഷൻസിന്റെ ബാനറിൽ സായ് വെങ്കിടേഷ് നിർമിക്കുന്ന ചിത്രമാണ്.
തീയേറ്റർ പ്‌ളേ സഹനിർമാതാക്കളാകുന്ന ചിത്രത്തിൽ പുതുമുഖങ്ങൾക്കൊപ്പം തമിഴിലെ പ്രമുഖ താരങ്ങളും അണിനിരക്കുന്നുണ്ട്. ഛായാഗ്രാഹണ സാധ്യത കൂടുതലുള്ള മൂന്നാർ, നീലഗിരി, പൊള്ളാച്ചി എന്നിവിടങ്ങളാണ് ചിത്രത്തിന്റെ പ്രധാന ലൊക്കേഷനുകൾ. പ്രമുഖ ഫോട്ടോഗ്രാഫി ഡയറക്‌ടറും സംവിധായകനുമായ രമേഷ് ജിയാണ് ക്യാമറ കൈകാര്യം ചെയ്യുന്നത്.
ചിത്രത്തിന്റെ കൂടുതൽ വിവരങ്ങളും അഭിനേതാക്കളുടെ പേരുകളും അടുത്തദിവസം വെളിപ്പെടുത്തും. എഡിറ്റിങ് – സിയാൻ ശ്രീകാന്ത്, സംഗീതം – അൻവർ ഖാൻ താരിഖ്, ആക്ഷൻ – സുപ്രീം സുന്ദർ, കൊറിയോഗ്രാഫി – ക്രിഷ്, കലാസംവിധാനം – മനു എസ് പോൾ, പ്രൊജക്‌ട് ഡിസൈനർ – കമ്പം ശങ്കർ, പ്രൊഡക്ഷൻ കൺട്രോളർ – വിനോദ് പറവൂർ, പിആർഒ – പി ശിവപ്രസാദ് & എ ജോൺ, സ്‌റ്റിൽസ് – പ്രഭിൽ & മെഹ്താരാജ് ഡിജിക്‌സ് മൂവീസ്, ഡിസൈൻ – സൈൻ മാർട്ട് എന്നിവരാണ് മറ്റ് അണിയറ പ്രവർത്തകർ.
Most Read: ‘മാലിക്’ ആമസോൺ പ്രൈമിലൂടെ; റിലീസ് ജൂലൈ 15ന്
