ഛായാഗ്രാഹകന്‍ സാനു ജോണ്‍ വര്‍ഗീസ് സംവിധാനം ചെയ്യുന്ന ചിത്രത്തില്‍ പാര്‍വതിയും ബിജു മേനോനും ഷറഫുദ്ദിനും മുഖ്യ കഥാപാത്രങ്ങളെ അവതരിപ്പിക്കും. വിശ്വരൂപം, ടേക്ക് ഓഫ്, ആൻഡ്രോയ്‌ഡ് കുഞ്ഞപ്പന്‍ തുടങ്ങിയ ചിത്രങ്ങള്‍ക്ക് ക്യാമറ ചലിപ്പിച്ച സാനു ആദ്യമായി സംവിധാനം ചെയ്യുന്ന സിനിമയാണിത്. ആഷിഖ് അബുവിന്റെ ഒപിഎം ഡ്രീം മില്ലും, സന്തോഷ് കുരുവിളയുടെ മൂണ്‍ ഷോട്ട് എന്റര്‍ടെയിന്‍മെന്റുമാണ് ചിത്രം നിര്‍മ്മിക്കുന്നത്. ഹലാല്‍ ലവ് സ്‌റ്റോറിക്ക് ശേഷം ആഷിഖ് അബു നിര്‍മ്മിക്കുന്ന ചിത്രം കൂടിയാവുമിത്.
Read also: അനുഗ്രഹിക്കാന്‍ കൈ ഉയര്‍ത്തിയ പുരോഹിതന് ഹൈ-ഫൈവ് നല്‍കി പെണ്‍കുട്ടി; വീഡിയോ വൈറല്‍
സൈജു കുറുപ്പ്, ആര്യ സലിം തുടങ്ങിയവരും ചിത്രത്തില്‍ പ്രധാന വേഷങ്ങളില്‍ എത്തുന്നു. ജി.ശ്രീനിവാസ റെഡ്‌ഡിയാണ് ക്യാമറ ചലിപ്പിക്കുന്നത്. മഹേഷ് നാരായണനാണ് എഡിറ്റിംഗ്. ചിത്രത്തിന് ഇതുവരെയും പേരിട്ടിട്ടില്ല. ചിത്രം അടുത്ത വര്‍ഷം തിയേറ്ററുകളില്‍ റിലീസ് ചെയ്യാമെന്നാണ് അണിയറ പ്രവര്‍ത്തകര്‍ കരുതുന്നത്. ചിത്രത്തിന്റെ ഷൂട്ടിംഗ് കോട്ടയത്ത് ആരംഭിച്ചു.
