മനാമ: 70 വയസിന് മുകളിലുള്ളവർക്ക് കോവിഡ് വാക്സിനേഷനു വേണ്ടി രജിസ്ട്രേഷൻ ആവശ്യമില്ലെന്ന് ബഹ്റൈൻ. പ്രായം കൂടിയവരും വിട്ടുമാറാത്ത രോഗമുള്ളവരും വേഗത്തില് വാക്സിന് സ്വീകരിക്കണമെന്നും ആരോഗ്യ മന്ത്രാലയ അണ്ടര് സെക്രട്ടറി ഡോ. വലീദ് അല് മാനിഅ് പറഞ്ഞു.
70 വയസിന് മുകളിൽ പ്രായമുള്ളവർക്ക് മുൻകൂട്ടി രജിസ്റ്റർ ചെയ്യാതെ കോവിഡ് വാക്സിൻ സ്വീകരിക്കാൻ അനുമതി നൽകി. മാര്ച്ച് മാസത്തില് കൂടുതല് പേര്ക്ക് കോവിഡ് പ്രതിരോധ വാക്സിന് നല്കാന് പദ്ധതിയുള്ളതായും അദ്ദേഹം അറിയിച്ചു.
സാധാരണ ജീവിതത്തിലേക്ക് ജനങ്ങളെ തിരികെ കൊണ്ടു വരുന്നതിനും എല്ലാവരിലും കോവിഡ് വാക്സിന് സന്ദേശം എത്തിക്കുന്നതിനും നടപടികള് സ്വീകരിക്കും. മൂന്ന് ലക്ഷം പ്രതിരോധ വാക്സിനുകള് ഉടന് രാജ്യത്തെത്തും. ഓരോരുത്തരും തങ്ങളുടെ ആരോഗ്യ കാര്യങ്ങളില് പ്രത്യേക ശ്രദ്ധ പുലർത്തണമെന്നും അദ്ദേഹം ആവശ്യപ്പെട്ടു.
പുതുതായി 579 പേർക്കാണ് ബഹ്റൈനിൽ കോവിഡ് സ്ഥിരീകരിച്ചത്. ചികിൽസയിൽ കഴിഞ്ഞ മൂന്ന് പേർ കൂടി മരിച്ചു. പുതുതായി റിപ്പോർട്ട് ചെയ്യപ്പെട്ട 579 പോസിറ്റീവ് കേസുകളിൽ 213 പേരാണ് പ്രവാസികൾ. 501 പേർ രോഗമുക്തി നേടി.
Also Read: പ്രളയ മുക്ത അസം; മാറ്റങ്ങൾ സൃഷ്ടിക്കാൻ ബിജെപി; വാഗ്ദാനവുമായി അമിത് ഷാ