ന്യൂഡെല്‍ഹി: പെരിയ ഇരട്ടക്കൊലപാതക കേസില്‍ സംസ്‌ഥാന സര്‍ക്കാര്‍ സിബിഐ അന്വേഷണം റദ്ദ് ചെയ്യാന്‍ ആവശ്യപ്പെട്ട് സമര്‍പ്പിച്ച ഹരജി സുപ്രീംകോടതി മാറ്റിവച്ചു. കേസ് മറ്റൊരു ദിവസത്തേക്ക് മാറ്റിവെക്കണമെന്ന സിബിഐയുടെ ആവശ്യം കോടതി അംഗീകരിക്കുക ആയിരുന്നു.
ദീപാവലി അവധിക്ക് ശേഷം ഹരജി പരിഗണിക്കുമെന്ന് കോടതി അറിയിച്ചു.
സിബിഐ സോളിസിറ്റര്‍ ജനറല്‍ തുഷാര്‍ മേത്തക്ക് മറ്റൊരു പ്രധാനപ്പെട്ട കേസില്‍ ഹാജരാകേണ്ടി വന്നതിനാലാണ് സിബിഐ കേസ് മാറ്റിവെക്കാന്‍ കോടതിയില്‍ ആവശ്യപ്പെട്ടത്.
Read Also: കോവിഡ് ടെസ്‌റ്റ് പോസിറ്റിവിറ്റി റേറ്റ് കുറയുന്നു; സംസ്ഥാനത്ത് നേരിയ ആശ്വാസം
സിബിഐ അന്വേഷണം തുടങ്ങിയിട്ടുണ്ടെങ്കില്‍ വിഷയത്തില്‍ ഇടപെടില്ലെന്ന് സുപ്രീംകോടതി നേരത്തെ തന്നെ വ്യക്‌തമാക്കിയിരുന്നു. അതേസമയം സംസ്‌ഥാന സര്‍ക്കാര്‍ അന്വേഷണവുമായി ബന്ധപ്പെട്ട വിവരങ്ങള്‍ കൈമാറുന്നില്ല എന്ന് സിബിഐ സുപ്രീംകോടതിയില്‍ ഇന്നലെ നല്‍കിയ സത്യവാങ്മൂലത്തില്‍ വ്യക്‌തമാക്കി.
