പൃഥ്വിരാജും അദിതി ബാലനും ആദ്യമായി ഒന്നിക്കുന്ന ‘കോൾഡ് കേസ്’ എന്ന ചിത്രത്തിന്റെ ടീസർ പുറത്ത്. ആമസോൺ പ്രൈമാണ് ചിത്രത്തിന്റെ ടീസർ തങ്ങളുടെ ഔദ്യോഗിക യൂട്യൂബ് ചാനലിലൂടെ പുറത്ത് വിട്ടത്. ഈ മാസം 30ന് ആമസോൺ പ്രൈമിലൂടെ ചിത്രം റിലീസ് ചെയ്യും.
ഛായാഗ്രാഹകൻ തനു ബാലകിന്റെ സംവിധാന അരങ്ങേറ്റമാണ് കോൾഡ് കേസ്. ‘അരുവി’ എന്ന ചിത്രത്തിലൂടെ ശ്രദ്ധേയയായ അദിതി ബാലന്റെ മലയാള അരങ്ങേറ്റം കൂടിയാണ് ചിത്രം. പൃഥ്വിരാജ്, അദിതി ബാലൻ എന്നിവർക്കൊപ്പം ലക്ഷ്‌മിപ്രിയ, അലൻസിയർ ലോപ്പസ്, ആത്‌മീയ രാജൻ, സുചിത്ര പിള്ള തുടങ്ങിയവരും ചിത്രത്തിൽ വേഷമിടുന്നുണ്ട്.
ഹൊറർ ത്രില്ലറാണ് കോൾഡ് കേസ് എന്ന സൂചനയാണ് ടീസർ നൽകുന്നത്. ചിത്രത്തിൽ പോലീസ് ഉദ്യോഗസ്‌ഥന്റെ വേഷമാണ് പൃഥ്വിരാജ് കൈകാര്യം ചെയ്യുന്നത്. ആന്റോ ജോസഫ്, ജോമോൻ ടി ജോൺ, ഷമീർ മുഹമ്മദ് എന്നിവർ ചേർന്നാണ് ചിത്രം നിർമിക്കുന്നത്. ശ്രീനാഥ്‌ വി നാഥാണ് തിരക്കഥ. ക്യാമറ: ഗിരീഷ് ഗംഗാധരൻ, എഡിറ്റിംഗ്: ഷമീർ മുഹമ്മദ്, സംഗീതം: പ്രകാശ് അലക്‌സ്‌.
Read also: ‘ബ്രോ ഡാഡി’ പൃഥ്വിയുടെ രണ്ടാം ചിത്രത്തിലും ലാലേട്ടൻ നായകനായെത്തും
