ലൂസിഫറിന് ശേഷം മോഹൻലാലിനെ നായകനാക്കി വീണ്ടും സിനിമയൊരുക്കുകയാണ് യുവതാരം പൃഥ്വിരാജ്. തന്റെ രണ്ടാം സംവിധാന സംരംഭത്തിന് ‘ബ്രോ ഡാഡി‘ എന്നാണ് പൃഥ്വി പേരിട്ടിരിക്കുന്നത്. കളക്ഷൻ റെക്കോഡുകൾ ഭേദിച്ച് മലയാള സിനിമയെ മറ്റൊരു വാണിജ്യ തലത്തിലേക്ക് എത്തിച്ച ലൂസിഫറിൽ നിന്ന് വ്യത്യസ്തമായി തികച്ചും കുടുംബ പശ്ചാത്തലത്തിൽ ഒരുങ്ങുന്ന ചിത്രമാണ് ബ്രോ ഡാഡിയെന്ന് പൃഥ്വി തന്റെ ഇൻസ്റ്റഗ്രാം പോസ്റ്റിൽ പറയുന്നു. തന്റെ പ്രിയ സുഹൃത്ത് സച്ചിയുടെ ഓർമദിനത്തിലാണ് പുതിയ ചിത്രത്തിന്റെ പ്രഖ്യാപനം പൃഥ്വിരാജ് നടത്തിയത്.
View this post on Instagram
മോഹൻലാലിന് പുറമെ പൃഥ്വിയും ചിത്രത്തിൽ അഭിനയിക്കുന്നുണ്ട്. മീന, കല്യാണി പ്രിയദർശൻ, സൗബിൻ ഷാഹിർ, കനിഹ, ലാലു അലക്സ്, മുരളി ഗോപി തുടങ്ങിയ വലിയൊരു താരനിര തന്നെ ചിത്രത്തിന്റെ ഭാഗമാവുന്നുണ്ട്. ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് ചിത്രം നിർമിക്കുന്നത്. ശ്രീജിത്ത് എൻ, ബിബിൻ മാളിയേക്കൽ എന്നിവർ ചേർന്നാണ് സിനിമയുടെ തിരകഥ ഒരുക്കുന്നത്. അഭിനന്ദൻ രാമാനുജം ക്യാമറയും, ദീപക് ദേവ് സംഗീത സംവിധാനവും നിർവഹിക്കുന്നു.
Read Also: ലോക ടെസ്റ്റ് ചാമ്പ്യൻഷിപ്പ്; മഴമൂലം ആദ്യ സെഷൻ ഉപേക്ഷിച്ചു