പൃഥ്വിരാജ്, സുരാജ് വെഞ്ഞാറമ്മൂട് എന്നിവരെ കേന്ദ്ര കഥാപാത്രങ്ങളാക്കി ഡിജോ ജോസ്‌ സംവിധാനം ചെയ്യുന്ന ചിത്രം ‘ജനഗണമന’യുടെ ഷൂട്ടിംഗ് പുനഃരാരംഭിച്ചു. സംവിധായകന്‍ തന്നെയാണ് ഇക്കാര്യം ഫേസ്ബുക്കിലൂടെ പ്രേക്ഷകരെ അറിയിച്ചത്.
‘ഡ്രൈവിംഗ് ലൈസന്‍സി’ന് ശേഷം പൃഥ്വിരാജും സുരാജ് വെഞ്ഞാറമ്മൂടും വീണ്ടും ഒന്നിക്കുന്ന ചിത്രം കൂടിയാണ് ജനഗണമന. ‘ക്വീന്‍’ എന്ന ചിത്രത്തിന് ശേഷം ഡിജോ സംവിധാനം ചെയ്യുന്ന ഈ ചിത്രത്തിനായി ഷാരിസ് മുഹമ്മദാണ് തിരക്കഥ ഒരുക്കിയിരിക്കുന്നത്.
പൃഥ്വിരാജ് പ്രൊഡക്ഷന്‍സിന്റെയും മാജിക് ഫ്രെയിംസിന്റെയും ബാനറില്‍ സുപ്രിയ മേനോന്‍, ലിസ്‌റ്റിന്‍ സ്‌റ്റീഫന്‍ എന്നിവര്‍ ചേര്‍ന്നാണ് ‘ജനഗണമന’ നിര്‍മിക്കുന്നത്. സുദീപ് ഏലമണ്‍ ഛായാഗ്രഹണവും ശ്രീജിത്ത് സാരംഗ് എഡിറ്റിങ്ങും നിർവഹിക്കുന്നു.
ഈ വര്‍ഷം ജനുവരിയിലാണ് ചിത്രത്തിന്റെ ടീസർ പുറത്തുവിട്ടത്. പോലീസ് ഉദ്യോഗസ്‌ഥനായാണ് സുരാജ് ചിത്രത്തിൽ എത്തുന്നത്. എന്നാൽ പൃഥ്വിയുടെ കഥാപാത്രം പ്രേക്ഷകർക്ക് സസ്‌പെൻസായി തുടരുകയാണ്. അതേസമയം പോലീസായ സുരാജ് പൃഥ്വിരാജ് അവതരിപ്പിക്കുന്ന കഥാപാത്രത്തെ ചോദ്യം ചെയ്യുന്നതാണ് ടീസറിലുള്ളത്. പഞ്ച് ഡയലോഗുമായെത്തിയ ടീസറിന് മികച്ച പ്രതികരണങ്ങളായിരുന്നു ലഭിച്ചത്.
Most Read: ‘കൊറോണക്കാലം അല്ലേ, മാസ്‌ക് വച്ചുകളയാം’; വൈറലായി കുരങ്ങന്റെ വീഡിയോ
