കൊച്ചി: മാസ്ക് ധരിക്കാത്തത് ചോദ്യം ചെയ്ത പോലീസിന് നേരെ മൂന്നംഗ സംഘത്തിന്റെ ആക്രമണം. പിറവത്തിന് സമീപം തിരുമാറാടിയിലാണ് സംഭവം. മദ്യപിച്ചെത്തിയ മൂന്ന് പേരാണ് പോലീസിനെ ആക്രമിച്ചത്. സംഭവത്തിൽ വനിതാ എസ്ഐക്ക് പരിക്കേറ്റു. സംഘത്തിലെ ഒരാളെ നാട്ടുകാരുടെ സഹായത്തോടെ പോലീസ് പിടികൂടി.
രാമപുരം സ്വദേശി എൽദോ കുട്ടിയാണ് പിടിയിലായത്. മാസ്ക് ധരിക്കാതെ കൂട്ടംകൂടി നിന്നത് ചോദ്യം ചെയ്ത പോലീസിനെ ഇവർ സംഘം ചേർന്ന് ആക്രമിക്കുകയും പോലീസ് ജീപ്പിന്റെ താക്കോൽ എടുത്തുകൊണ്ട് പോവുകയും ചെയ്തു. എൽദോ കുട്ടിയെ പിടികൂടിയെങ്കിലും മറ്റ് രണ്ട് പേർ രക്ഷപെട്ടു.
Also Read: മുള്ളുവേലികൾ, ബാരിക്കേഡുകൾ; ഡെൽഹി അതിർത്തിയിൽ പോലീസിന്റെ പത്മവ്യൂഹം