ന്യൂഡെൽഹി: നാഷണൽ ഹെറാൾഡ് കേസിൽ കോൺഗ്രസ് ജനറൽ സെക്രട്ടറി രാഹുൽ ഗാന്ധിയുടെ ചോദ്യം ചെയ്യൽ നാളെയും തുടരും. ചോദ്യം ചെയ്യലിനായി നാളെയും ഹാജരാകണമെന്ന് ഇഡി നിർദ്ദേശം നൽകിയതായാണ് വിവരം. അതേസമയം തന്നെ ഇന്ന് രാവിലെ 11 മണിയോടെ ആരംഭിച്ച രാഹുൽ ഗാന്ധിയുടെ ഇന്നത്തെ ചോദ്യം ചെയ്യൽ ഉടൻ പൂർത്തിയാകും.
നിലവിൽ നാഷണൽ ഹെറാൾഡ് കേസിൽ രാഹുൽ ഗാന്ധിയെ 4 ദിവസമാണ് ചോദ്യം ചെയ്തത്. വെള്ളിയാഴ്ച ചോദ്യം ചെയ്യലിന് ഹാജരാകാനാണ് ഇഡി നിര്ദ്ദേശിച്ചിരുന്നത്. എന്നാൽ അമ്മ സോണിയ ഗാന്ധിയുടെ അനാരോഗ്യം കണക്കിലെടുത്ത് ഇന്നത്തേക്ക് ചോദ്യം ചെയ്യല് മാറ്റാന് രാഹുല് അഭ്യർഥിക്കുകയും, ഇത് പരിഗണിച്ച് ചോദ്യംചെയ്യൽ ഇന്നത്തേക്ക് മാറ്റുകയും ചെയ്യുകയായിരുന്നു.
Read also: അഗ്നിപഥ് പ്രതിഷേധം തുടരുന്നു; രാജ്യത്ത് 595 ട്രെയിനുകൾ റദ്ദാക്കി