കൊച്ചി: ബെവ്കോ ഔട്ട്ലെറ്റുകളിൽ ക്യൂ നിൽക്കുന്ന സാഹചര്യം ഒഴിവാക്കണമെന്ന് ഹൈക്കോടതി. പരിഷ്കാരം ഒരു കാലിലെ മന്ത് എടുത്ത് അടുത്ത കാലിൽ വെച്ചത് പോലെ ആകരുതെന്ന് കോടതി വിമർശിച്ചു.
മറ്റ് കടകളിലെ പോലെ കയറാനും ഇറങ്ങാനും ഉള്ള സൗകര്യം ബവ്കോയിൽ ഉണ്ടാകണമെന്നും സഞ്ചരിക്കുന്ന മദ്യശാലകൾ തുടങ്ങേണ്ട സമയമായെന്നും കോടതി വ്യക്തമാക്കി.
വീടിനു മുന്നിൽ ബെവ്കോ ഔട്ട്ലെറ്റുകൾ വരുന്നത് ആരും ആഗ്രഹിക്കുന്നില്ല. നയപരമായ മാറ്റം ആവശ്യമാണ്. ക്യൂ നിൽക്കേണ്ട അവസ്ഥ ഉണ്ടാക്കരുത്; കോടതി അറിയിച്ചു.
അതേസമയം, വേണ്ടത്ര സൗകര്യങ്ങൾ ഇല്ലാത്ത പത്ത് മദ്യശാലകൾ മാറ്റി സ്ഥാപിച്ചതായി സർക്കാർ കോടതിയിൽ അറിയിച്ചു.
Most Read: കൂട്ടിക്കലിലെ ദുരിതബാധിതർക്ക് താങ്ങായി മമ്മൂട്ടി; സഹായം എത്തിച്ചു