കണ്ണൂര്‍: കോണ്‍ഗ്രസ് നേതാവ് രാഹുല്‍ ഗാന്ധി എംപി വ്യാഴാഴ്‌ച കണ്ണൂരിലെത്തും. എഐസിസി ജനറല്‍ സെക്രട്ടറി കെസി വേണുഗോപാല്‍ എംപിയുടെ മാതാവിന്റെ നിര്യാണത്തെ തുടര്‍ന്നാണ് പയ്യന്നൂര്‍ കടന്നപ്പള്ളി കണ്ടോന്താറിലെ വീട് സന്ദര്‍ശിക്കുവാന്‍ രാഹുല്‍ ഗാന്ധി എത്തുന്നത്.
ബുധനാഴ്‌ച പുലര്‍ച്ചെയാണ് കെസി വേണുഗോപാല്‍ എംപിയുടെ മാതാവ് മരണപ്പെട്ടത്.
വ്യാഴാഴ്‌ച രാവിലെ 9.30ന് രാഹുല്‍ ഗാന്ധി കണ്ണൂര്‍ രാജ്യാന്തര വിമാനത്താവളത്തില്‍ എത്തും. കണ്ണൂര്‍ ഗസ്‌റ്റ് ഹൗസിലെത്തി അല്‍പനേരം വിശ്രമിച്ചശേഷമാകും രാഹുല്‍ പയ്യന്നൂരിലേക്ക് പോവുക. തുടര്‍ന്ന് ഉച്ചക്ക് ഒരു മണിക്കുള്ള വിമാനത്തില്‍ ഡെല്‍ഹിയിലേക്കു മടങ്ങുമെന്നാണ് വിവരം.
Malabar News: ജില്ലയിലെ ബീച്ചുകളില്‍ ഇന്ന് മുതല്‍ പ്രവേശിക്കാം; നിയന്ത്രങ്ങള്‍ പാലിക്കണം
