കണ്ണൂരിൽ നിന്ന് ലഹരിമരുന്ന് പിടികൂടിയ കേസ്; മുഖ്യപ്രതി അറസ്‌റ്റിൽ

By Trainee Reporter, Malabar News
Drug seizure case from Kannur
Ajwa Travels

കണ്ണൂർ: ജില്ലയിൽ നിന്ന് കോടിക്കണക്കിന് രൂപയുടെ ലഹരിമരുന്ന് പിടികൂടിയ കേസിലെ മുഖ്യപ്രതി പിടിയിൽ. കണ്ണൂർ തെക്കി ബസാർ സ്വദേശിയായ നിസാമിനെയാണ് ഇന്ന് മംഗലാപുരത്ത് നിന്ന് പോലീസ് അറസ്‌റ്റ് ചെയ്‌തത്‌. കേസിൽ ദമ്പതികളായ ബൾക്കീസ്-അഫ്‌സൽ എന്നിവർ നേരത്തെ പിടിയിലായിരുന്നു. ഇന്ന് പിടിയിലായ നിസാം ബൾക്കീസിന്റെ അടുത്ത ബന്ധുവാണ്.

മാർച്ച് ഏഴിനാണ് കണ്ണൂരിലെ പാഴ്‌സൽ ഓഫിസിൽ ടെക്‌സ്‌റ്റെൽസിന്റെ പേരിൽ ബെംഗളൂരുവിൽ നിന്ന് രണ്ട് കിലോ വരുന്ന എംഡിഎംഎ, ഓപിയം അടക്കമുള്ള ലഹരി വസ്‌തുക്കൾ കൈപ്പറ്റാൻ എത്തിയ ബൾക്കീസും അഫ്‌സലും പിടിയിലാകുന്നത്. ഇവരെ ചോദ്യം ചെയ്‌തപ്പോഴാണ്‌ നിസാമിന്റെ പങ്കും വ്യക്‌തമായത്‌.

ബൾക്കീസ് നൽകിയ മൊഴിയുടെ അടിസ്‌ഥാനത്തിൽ കണ്ണൂർ നഗരത്തിലെ വസ്‌ത്ര കട കേന്ദ്രീകരിച്ച് മയക്കുമരുന്ന് ശേഖര കേന്ദ്രത്തിൽ പോലീസ് നടത്തിയ റെയ്‌ഡിൽ ലക്ഷങ്ങൾ വിലവരുന്ന മാരക ലഹരിമരുന്ന് പിടികൂടിയിരുന്നു. തുടർന്ന് സിറ്റി പോലീസ് കമ്മീഷണർ ആർ ഇളങ്കോ കേസ് അന്വേഷിക്കുന്നതിനായി പ്രത്യേക സംഘത്തെ രൂപീകരിക്കുകയായിരുന്നു. ഇവരുടെ അന്വേഷണത്തിലാണ് നിസാം പിടിയിലായത്. ഈ കേസിലെ മറ്റൊരു പ്രതിയായ ജനീസ് ഒളിവിലാണ്.

Most Read: ന്യൂനമർദ്ദം; സംസ്‌ഥാനത്ത് ഒൻപത് ജില്ലകളിൽ മഴ മുന്നറിയിപ്പ്

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE