തിരുവനന്തപുരം: കേരളത്തിൽ ഇന്നും അതിശക്തമായ മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. അറബിക്കടലില് കേരള തീരത്ത് രൂപപെട്ട ചക്രവാതച്ചുഴി ന്യൂനമര്ദ്ദമായി മാറാനുള്ള സാധ്യതയുണ്ട്. കൂടാതെ ബംഗാള് ഉള്ക്കടലില് തമിഴ്നാട് തീരത്ത് ചക്രവാതച്ചുഴി നിലനില്ക്കുകയാണ്. ഇതേ തുടർന്നാണ് ശക്തമായ മഴയ്ക്കുള്ള സാധ്യത നിലനിൽക്കുന്നത്.
ഇന്ന് ഇടുക്കി ജില്ലയില് റെഡ് അലര്ട്ടും കോട്ടയം, പാലക്കാട്, മലപ്പുറം ജില്ലകളില് ഓറഞ്ച് അലര്ട്ടും പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം, പത്തനംതിട്ട, തൃശൂര്, കോഴിക്കോട്, വയനാട്, കണ്ണൂര് കാസര്ഗോഡ് ജില്ലകളില് ഇന്ന് യെല്ലോ അലര്ട് പ്രഖ്യാപിച്ചിട്ടുണ്ട്. നാളെ തിരുവനന്തപുരം, കൊല്ലം, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലാണ് യെല്ലോ അലര്ട്
നിലവിൽ കേരള, കര്ണാടക, ലക്ഷദ്വീപ് തീരങ്ങളില് മൽസ്യബന്ധനത്തിന് വിലക്കുണ്ട്. ജനങ്ങള് ഇടിമിന്നല് ജാഗ്രതാ നിര്ദേശങ്ങള് പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി അറിയിച്ചു. തീരദേശ വാസികളും ജാഗ്രത പാലിക്കണം.
Read also: അസം അതിക്രമം നിയമപരമായി നേരിടും; അഭിഭാഷകന് സഞ്ജയ് ഹെഗ്ഡേ