തിരുവനന്തപുരം: സംസ്‌ഥാനത്ത് ചൊവ്വാഴ്‌ച മുതൽ കനത്ത മഴക്ക് സാധ്യതയെന്ന് കേന്ദ്ര കാലാവസ്‌ഥാ നിരീക്ഷണ കേന്ദ്രം. നാളെ മുതൽ മലയോര ജില്ലകളിൽ ഇടിമിന്നലോട് കൂടിയ ചെറിയ മഴ ആരംഭിക്കും എന്നും മുന്നറിയിപ്പിൽ പറയുന്നു. ഇടുക്കി, വയനാട് ജില്ലകളിലാണ് കനത്ത മഴക്ക് സാധ്യത. കേരളത്തിന് പുറമേ തമിഴ്‌നാട്, കർണാടക, പുതുച്ചേരി, മാഹി എന്നിവിടങ്ങളിലും മഴ ലഭിക്കും. അറബിക്കടലിലും ബംഗാൾ ഉൾക്കടലിലും ന്യൂനമർദ്ദ കാറ്റ് ശക്‌തി പ്രാപിക്കാൻ സാധ്യതയെന്നും മുന്നറിയിപ്പിൽ പറയുന്നു
കാലവർഷം ഉത്തരേന്ത്യൻ സംസ്‌ഥാനങ്ങളിൽ നിന്നും പിൻവാങ്ങിയതിനാൽ ബുധനാഴ്‌ചയോടെ തുലാമഴ ആരംഭിക്കുമെന്ന് നേരത്തെ കേന്ദ്ര കാലാവസ്‌ഥാ നിരീക്ഷണകേന്ദ്രം അറിയിച്ചിരുന്നു.
Also Read: വാളയാര്‍ കേസ്; അമ്മയുടെ സമരം എന്തിനെന്ന് മനസിലാകുന്നില്ല; മന്ത്രി ബാലന്‍
