2022ലെ ആദ്യ മലയാളം റിലീസായി മാറാൻ ‘രണ്ട്’. ഫൈനൽസ് എന്ന സിനിമക്ക് ശേഷം ഹെവൻലി മൂവീസിന്റെ ബാനറിൽ പ്രജീവ് സത്യവ്രതൻ നിർമിച്ച് സുജിത് ലാൽ സംവിധാനം ചെയുന്ന ‘രണ്ട്’ ജനുവരി 7ന് തിയേറ്ററുകളിൽ എത്തും. വിഷ്‌ണു ഉണ്ണികൃഷ്‌ണനും അന്ന രാജനുമാണ് പ്രധാന വേഷങ്ങളിൽ എത്തുന്നത്. ഒരു പൊളിറ്റിക്കൽ സറ്റയർ ആയ ചിത്രം സമകാലീന രാഷ്‌ട്രീയത്തിലൂന്നിയാണ് കഥ പറയുന്നത്.
ഇർഷാദ്, കലാഭവൻ റഹ്‌മാൻ, സുധി കോപ്പ, ബാലാജി ശർമ്മ, ഗോകുലൻ, ജയശങ്കർ, കോബ്ര രാജേഷ്, ശ്രീലക്ഷ്‌മി, മാല പാർവതി, മറീന മൈക്കിൾ, പ്രീതി എന്നിവരാണ് ചിത്രത്തിലെ മറ്റു താരങ്ങൾ. ഛായാഗ്രഹണം-അനീഷ് ലാൽ ആർഎസ്, കഥ-തിരക്കഥ-സംഭാഷണം – ബിനുലാൽ ഉണ്ണി, എഡിറ്റിംഗ്-മനോജ് കണ്ണോത്ത്, എക്‌സിക്യൂട്ടീവ് പ്രൊഡ്യൂസർ-ടിനിടോം, ലൈൻ പ്രൊഡ്യൂസർ-അഭിലാഷ് വർക്കല, ഗാനരചന- റഫീഖ് അഹമ്മദ്, സംഗീതം-ബിജിപാൽ.
Read Also: സില്‍വര്‍ ലൈന്‍ വിവാദങ്ങളെ പ്രതിരോധിക്കാന്‍ മുഖ്യമന്ത്രി; തിരുവനന്തപുരത്ത് വിശദീകരണ യോഗം
