തിരുവനന്തപുരം: സംസ്ഥാനത്ത് ക്രിസ്മസിന് റെക്കോർഡിട്ട് മദ്യവിൽപന. ക്രിസ്മസ് തലേന്ന് മാത്രം സംസ്ഥാനത്ത് വിറ്റഴിഞ്ഞത് 65 കോടി രൂപയുടെ മദ്യമാണ്. കഴിഞ്ഞ വർഷത്തേക്കാൾ കോടിക്കണക്കിന് രൂപയുടെ മദ്യ വിൽപനയാണ് ഇത്തവണ നടന്നത്.
10 കോടി രൂപയുടെ അധിക കച്ചവടമാണ് ഇത്തവണ സംസ്ഥാനത്ത് മദ്യ വിൽപനയിൽ ഉണ്ടായത്. അതേസമയം ഏറ്റവും കൂടുതൽ മദ്യം വിറ്റഴിഞ്ഞത് തിരുവനന്തപുരം ജില്ലയിലാണ്. തിരുവനന്തപുരം പവർഹൗസ് റോഡിലുള്ള ബെവ്കോ ഔട്ട്ലെറ്റിലാണ് കൂടുതൽ മദ്യം വിറ്റത്.
പവർ ഹൗസിലെ ബെവ്കോ ഔട്ട്ലെറ്റിൽ വിറ്റത് 73.54 ലക്ഷം രൂപയുടെ മദ്യമാണ്. കൂടാതെ മദ്യവിൽപനയിൽ രണ്ടാം സ്ഥാനത്ത് ചാലക്കുടിയും, മൂന്നാം സ്ഥാനത്ത് ഇരിങ്ങാലക്കുടയുമാണ്. യഥാക്രമം 70.72 ലക്ഷം രൂപയുടെയും, 63.60 ലക്ഷം രൂപയുടെയും മദ്യമാണ് ഇരു സ്ഥലങ്ങളിലും വിറ്റത്.
Read also: എസ്എസ്എൽസി- പ്ളസ് ടു പരീക്ഷാ തീയതികൾ പ്രഖ്യാപിച്ചു