ന്യൂഡെൽഹി: കര്ഷക വിരുദ്ധമായ കേന്ദ്ര കാർഷിക ബില്ല് പിന്വലിക്കണമെന്ന ആവശ്യവുമായി പാര്ലമെന്റില് സ്വകാര്യ ബില് അവതരിപ്പിച്ച് കെകെ രാഗേഷ് എംപി. കേന്ദ്രസർക്കാർ അവതരിപ്പിച്ച മൂന്ന് നിയമങ്ങളും പിന്വലിക്കണമെന്നാണ് കെകെ രാഗേഷ് സ്വകാര്യ ബില്ലിലൂടെ ആവശ്യപ്പെട്ടത്.
ബില്ലിനെതിരായ പ്രതിഷേധത്തിന്റെ ഭാഗമായി ഗവര്ണറുടെ നയ പ്രഖ്യാപനം ബഹിഷ്കരിച്ച പ്രതിപക്ഷം പാര്ലമെന്റിലേക്ക് മാര്ച്ച് നടത്തിയിരുന്നു. ഇതിന് പിന്നാലെ ഇന്ന് പ്രധാനമന്ത്രി വിളിച്ചുചേർത്ത സർവകക്ഷി യോഗത്തിലും പ്രതിപക്ഷ പാർട്ടികൾ പ്രതിഷേധം അറിയിച്ചിരുന്നു. അതേസമയം കാർഷിക നിയമങ്ങൾ മരവിപ്പിച്ചു നിർത്താമെന്നും, പിൻവലിക്കാൻ കഴിയില്ലെന്നുമുള്ള നിലപാട് പ്രധാനമന്ത്രി ഇന്നും ആവർത്തിച്ചു.
Read Also: നിലപാടിൽ മാറ്റമില്ല; കാർഷിക നിയമങ്ങൾ മരവിപ്പിച്ച് നിർത്താമെന്ന് മോദി