തിരുവനന്തപുരം: സംസ്ഥാനത്ത് സിബിഐക്ക് നിയന്ത്രണമേര്പ്പെടുത്തി വിജ്ഞാപനമിറക്കി. ഇനി സര്ക്കാരിന്റെ അനുമതിയോടെയോ കോടതി വിധി പ്രകാരമോ മാത്രമേ സിബിഐക്ക് കേരളത്തില് അന്വേഷണം ഏറ്റെടുക്കാനാവു.
സര്ക്കാരിന്റെ മുന്കൂര് അനുമതിയില്ലാതെ കേരളത്തില് അന്വേഷണം നടത്താന് സിബിഐക്ക് നേരത്തെ നല്കിയിരുന്ന അനുമതി പിന്വലിച്ചുകൊണ്ടുള്ള ഉത്തരവാണ് ഇപ്പോള് പുറത്തുവന്നിരിക്കുന്നത്.
Read Also: ജമ്മു കശ്മീരിലെ രാഷ്ട്രീയ പാര്ട്ടി സഖ്യം ദേശീയ താല്പര്യത്തിന് വിരുദ്ധം; അമിത് ഷാ
മന്ത്രിസഭ തീരുമാന പ്രകാരം ആഭ്യന്തര സെക്രട്ടറി സഞ്ജീവ് കൗളാണ് വിജ്ഞാപനം ഇറക്കിയത്. ലൈഫ് മിഷന് അഴിമതി കേസ് സിബിഐ നേരിട്ട് ഏറ്റെടുത്തതിന് പിന്നാലെയാണ് സിബിഐക്ക് നല്കിയിരുന്ന അനുമതി പിന്വലിക്കാന് സംസ്ഥാന സര്ക്കാര് തീരുമാനിച്ചത്.
അതേസമയം നിലവിലുള്ള സിബിഐ അന്വേഷണങ്ങള്ക്ക് പുതിയ നടപടി ബാധകമാകില്ല.