സംസ്കൃത ഭാഷയെ സ്നേഹിക്കുകയും ആദരിക്കുകയും ചെയ്യുന്ന പ്രേക്ഷക സമൂഹത്തിനെ ലക്ഷ്യംവച്ചുകൊണ്ട് ‘സംസ്കൃത് ഒടിടി’ചാനൽ വരുന്നു.
സംസ്കൃത ഭാഷയിലൊരുക്കുന്ന ദൃശ്യകലകൾക്ക് മാത്രമായാണ് ഇത്തരമൊരു ഒടിടി ചാനലെന്ന് പ്രമോട്ടറും ചലച്ചിത്ര സംവിധായകനും നിർമാതാവുമായ പികെ അശോകൻ പറയുന്നു. സംസ്കൃത ഭാഷയിൽ ഇത്തരമൊരു സംരംഭം ലോകത്ത് തന്നെ ആദ്യമായാണെന്നും ഇദ്ദേഹം പറഞ്ഞു.
ലോക സംസ്കൃത ദിനമായ ഓഗസ്റ്റ് 22ന് ആരംഭിക്കുമെന്നാണ് പിന്നണിയിലുള്ളവർ അറിയിച്ചത്. സംസ്കൃത സിനിമകള്, സീരിയലുകള്, ഷോര്ട്ട് ഫിലിമുകള് തുടങ്ങി സംസ്കൃത ഭാഷയിലൊരുങ്ങുന്ന എല്ലാ ദൃശ്യകലകളും ഈ ഒടിടി ചാനലിലൂടെ പ്രേക്ഷകര്ക്ക് കാണാനാവും. സ്ഥാപന അധികൃതർ പറയുന്നത് അനുസരിച്ച്, പതിനഞ്ചിലധികം സിനിമകളും സ്പെഷൽ പരിപാടികളുമായാണ് ‘സംസ്കൃത് ഒടിടി’ ഓഗസ്റ്റ് 22ന് ആരംഭിക്കുന്നത്. കൂടുതൽ വിവരങ്ങൾക്ക് ഇവരുടെ Sanskrit OTT വെബ്സൈറ്റ് സന്ദർശിക്കാം.
Most Read: വിവാഹിതയായ സ്ത്രീയ്ക്ക് പ്രണയലേഖനം കൊടുക്കുന്നത് അപമാനിക്കുന്നതിന് തുല്യം; കോടതി