ആലപ്പുഴ: പത്തിയൂരിൽ ഏഴു വയസുകാരിയെ ക്രൂരമായി മർദ്ദിച്ച് പിതാവ്. പത്തിയൂർ സ്വദേശി രാജേഷാണ് മദ്യലഹരിയിൽ മകളെ ക്രൂരമായി മർദ്ദിച്ചത്. ഗുരുതരമായി പരിക്കേറ്റ കുട്ടി വണ്ടാനം മെഡിക്കൽ കോളേജ് ആശുപത്രിയിൽ ചികിൽസയിലാണ്.
സ്‌ഥിരമായി മദ്യപിച്ച് വീട്ടിലെത്തുന്ന രാജേഷ് മക്കളെ ഉപദ്രവിക്കുന്നത് പതിവാണെന്നാണ് നാട്ടുകാർ പറയുന്നത്. കഴിഞ്ഞ ദിവസവും ഇത് ആവർത്തിച്ചു. മർദ്ദനത്തിൽ കുട്ടിയുടെ തലക്ക് ഗുരുതര പരിക്കേറ്റിട്ടുണ്ട്.
നേരത്തെയും ഇയാൾക്കെതിരെ സമാനമായ പരാതി ഉയർന്നപ്പോൾ പോലീസ് പല തവണ താക്കീത് നൽകിയിരുന്നു. എന്നാൽ, ഇയാൾ വീണ്ടും ക്രൂരത ആവർത്തിക്കുകയായിരുന്നു. സംഭവത്തിൽ കേസെടുത്ത കരീലക്കുളങ്ങര പോലീസ് രാജേഷിനെ കസ്‌റ്റഡിയിൽ എടുത്തിട്ടുണ്ട്.
Also Read: എം ശിവശങ്കറിന്റെ സസ്‌പെൻഷൻ കാലാവധി നീട്ടി
