സൂപ്പർതാരം വിജയ് നായകനാകുന്ന ‘ദളപതി 65‘ എന്ന് താല്‍ക്കാലികമായി പേരിട്ട ചിത്രത്തിന്റെ ഭാഗമാകാൻ ഒരുങ്ങി മലയാളി താരം ഷൈൻ ടോം ചാക്കോ. ഷൈൻ അഭിനയിക്കുന്ന ആദ്യത്തെ ഇതരഭാഷാ ചിത്രം കൂടിയാണിത്. സണ്‍ പിക്ചേഴ്‌സ് നിര്‍മിക്കുന്ന ചിത്രം സംവിധാനം ചെയ്യുന്നത് നെൽസൺ ദിലീപ്‌കുമാറാണ്. മലയാളത്തിൽ നിന്ന് അപർണ ദാസും ചിത്രത്തിൽ പ്രധാനവേഷം കൈകാര്യം ചെയ്യുന്നുണ്ട്.
പൂജ ഹെഗ്‌ഡെയാണ് ചിത്രത്തില്‍ നായിക. ഏത് വിഭാഗത്തിൽപെടുന്ന ചിത്രമായിരിക്കും ഇതെന്ന് ഔദ്യോഗിക പ്രതികരണം ഇതുവരെയും വന്നിട്ടില്ല. എന്നാൽ കോമഡിക്ക് പ്രാധാന്യം നൽകുന്ന കംപ്‌ളീറ്റ് എന്റെർറ്റൈനറായിരിക്കും ചിത്രമെന്നാണ് സൂചനകൾ. ചിത്രത്തിനായി സംഗീതം ഒരുക്കുന്നത് അനിരുദ്ധാണ്. മാസ്‌റ്ററാണ് വിജയ് നായകനായി പുറത്തിറങ്ങിയ അവസാന ചിത്രം.
Read Also: കോവിഡ് തിരിച്ചടിയായി; റിലീസ് കാത്തിരിക്കുന്നത് 120ഓളം ചിത്രങ്ങൾ
