മലയാളികളുടെ എക്കാലത്തെയും പ്രിയപ്പെട്ട സംവിധായകന് പത്മരാജന്റെ ലുക്കില് യുവനടന് സിജു വില്സണ്. ഒറ്റ നോട്ടത്തില് ആരും പറയും ഇത് പത്മരാജന് തന്നെയെന്ന്. അത്രയും സാമ്യമുണ്ട് സിജുവിന്റെ പത്മരാജന് ലുക്കിന്. താരം തന്നെയാണ് ചിത്രം തന്റെ സോഷ്യല് മീഡിയ അക്കൗണ്ടിലൂടെ പങ്കുവച്ചത്. ഞാന് ഗന്ധര്വ്വന് എന്ന അടിക്കുറിപ്പോടെ പങ്കുവച്ച ചിത്രം ഇതിനോടകം സോഷ്യല് മീഡിയയില് വൈറല് ആയി. മലയാളികളുടെ പ്രിയ സംവിധായകന് തന്നെയെന്ന് തോന്നുന്ന ചിത്രം ആരാധകര് ഇരു കൈയും നീട്ടി സ്വീകരിച്ചു കഴിഞ്ഞു.
നിരവധി മലയാളം സിനിമകളിലൂടെ ശ്രദ്ധേയനായ താരമാണ് സിജു വില്സണ്. വിനീത് ശ്രീനിവാസന് ഒരുക്കിയ മലര്വാടി ആര്ട്സ് ക്ലബ് എന്ന ചിത്രത്തിലൂടെ സിനിമാരംഗത്തു വന്ന സിജു പിന്നീട് നിരവധി സിനിമകളില് ശ്രദ്ധേയമായ വേഷങ്ങള് ചെയ്തു. നേരം, പ്രേമം, ഹാപ്പി വെഡിങ്, ഞണ്ടുകളുടെ നാട്ടില് ഒരിടവേള, കട്ടപ്പനയിലെ ഹൃതിക് റോഷന്, ആദി തുടങ്ങിയവയാണ് പ്രധാനസിനിമകള്. മാരീചന് ആണ് സിജുവിന്റെ വരാനിരിക്കുന്ന അടുത്ത ചിത്രം. നിഖില് ഉണ്ണി സംവിധാനം ചെയ്യുന്ന ചിത്രത്തില് സിജുവിനൊപ്പം അശ്വിന് കുമാറും കേന്ദ്ര കഥാപാത്രമായി എത്തുന്നുണ്ട്.
Read also : ലോകേഷിന്റെ അടുത്ത ചിത്രത്തില് ഉലകനായകന്