സിജു വില്‍സണെ നായകനാക്കി രജീഷ് മിഥില സംവിധാനം ചെയ്യുന്ന പുതിയ ചിത്രത്തിന്റെ പോസ്‌റ്റര്‍ മഞ്‌ജു വാര്യര്‍ പുറത്തുവിട്ടു. ‘ഇന്നു മുതല്‍‘ എന്ന് പേരിട്ടിരിക്കുന്ന ചിത്രം ദി ഗ്രേറ്റ് ഇന്ത്യന്‍ സിനിമാസിന്റെ ബാനറില്‍ രജീഷ് മിഥില, സംഗീത സംവിധായകന്‍ മെജോ ജോസഫ്, ലിജോ ജയിംസ് എന്നിവര്‍ ചേര്‍ന്നാണ് നിര്‍മിക്കുന്നത്.
ചിത്രത്തിനും അണിയറ പ്രവര്‍ത്തകര്‍ക്കും ഭാവുകങ്ങള്‍ നേര്‍ന്നാണ് മഞ്‌ജു പോസ്‌റ്റര്‍ പങ്കുവെച്ചിരിക്കുന്നത്. ‘ചിത്രത്തിനും അണിയറ പ്രവര്‍ത്തകര്‍ക്കും ആശംസകള്‍’, മഞ്‌ജു വാര്യര്‍ കുറിച്ചു.
സംവിധായകന്‍ രജീഷ് മിഥില തന്നെയാണ് ചിത്രത്തിന്റെ തിരക്കഥയും ഒരുക്കിയിരിക്കുന്നത്. വാരിക്കുഴിയിലെ കൊലപാതകം, ലാല്‍ ബഹദൂര്‍ ശാസ്‍ത്രി എന്നിവയാണ് രജീഷ് മിഥില സംവിധാനം ചെയ്‌ത മറ്റ് ചിത്രങ്ങള്‍.
മെജോ ജോസഫാണ് ചിത്രത്തിനായി സംഗീതമൊരുക്കുന്നത്. എല്‍ദോ ഐസക്കാണ് ഛായാഗ്രഹണം നിര്‍വഹിക്കുന്ന ചിത്രത്തിന്റെ എഡിറ്റിംഗ് ജംസീല്‍ ഇബ്രാഹിമാണ് കൈകാര്യം ചെയ്യുന്നത്. ആന്‍ സരിക് ആണ് വസ്ത്രാലങ്കാരം. സിജു വില്സണ് പുറമെ ഇന്ദ്രന്‍സ്, ഉദയ് ചന്ദ്ര, സൂരജ് പോപ്‌സ്‌, ഗോകുലന്‍ എന്നിവരും ചിത്രത്തില്‍ അണിനിരക്കുന്നു.
Read Also: രാഷ്‌ട്രീയ നിരാശ പ്രതിപക്ഷ നേതാവിനെ തരംതാഴ്‌ത്തി; എ വിജയരാഘവൻ
