ഡെൽഹി: ക്യാബിനിൽ പുക ഉയരുന്നത് കണ്ടതോടെ സ്പൈസ് ജെറ്റ് വിമാനം ഡെൽഹി വിമാനത്താവളത്തിൽ അടിയന്തരമായി തിരിച്ചിറക്കി. ഡെൽഹിയിൽ നിന്ന് ജബൽപൂരിലേക്ക് പറന്നുയരുന്നതിനിടെ ആണ് അടിയന്തര ലാൻഡിംഗ് നടത്തിയത്. ഇന്ന് രാവിലെയാണ് സംഭവം.
അതേസമയം യാത്രക്കാരെ സുരക്ഷിതമായി പുറത്താക്കിയതായി സ്പൈസ് ജെറ്റ് വക്താവ് അറിയിച്ചു.
വിമാനം 5,000 അടി ഉയരത്തിൽ പറക്കുന്നതിനിടെ ക്യാബിനിൽ പുക ഉയരുന്നത് ക്രൂവിന്റെ ശ്രദ്ധയിൽപെട്ടു. ക്യാബിനിലേക്ക് പുക കയറിയതോടെ യാത്രക്കാരും പരിഭ്രാന്തരായി. ഉടൻ തന്നെ വിമാനം ഡെൽഹി വിമാനത്താവളത്തിൽ അടിയന്തരമായി ഇറക്കി.
സംഭവത്തിന്റെ ദൃശ്യങ്ങൾ സൗരഭ് ഛബ്ര എന്ന യാത്രക്കാരൻ ട്വിറ്ററിൽ പങ്കുവച്ചിട്ടുണ്ട്.
#WATCH | A SpiceJet aircraft operating from Delhi to Jabalpur returned safely to the Delhi airport today morning after the crew noticed smoke in the cabin while passing 5000ft; passengers safely disembarked: SpiceJet Spokesperson pic.twitter.com/R1LwAVO4Mk
— ANI (@ANI) July 2, 2022
അതേസമയം കഴിഞ്ഞ കുറച്ച് ദിവസങ്ങളായി സ്പൈസ് ജെറ്റ് വിമാനങ്ങളിൽ അപകടങ്ങൾ പതിവാകുന്ന നിലയാണ്. ജൂൺ 19ന് ഡെൽഹിയിലേക്കുള്ള സ്പൈസ് ജെറ്റ് വിമാനത്തിൽ പെട്ടെന്ന് തീപിടുത്തം ഉണ്ടാവുകയും വിമാനം അടിയന്തരമായി ഇറക്കുകയും ചെയ്തിരുന്നു.
Most Read: അടുത്ത നാല് ദിവസം കൂടി ശക്തമായ മഴ; തീരദേശ വാസികൾക്ക് കടലാക്രമണ മുന്നറിയിപ്പ്