കൊച്ചി: മലയാള സിനിമാ അഭിനേതാക്കളുടെ സംഘടനയായ എ.എം.എം.എ. യില് നിന്ന് രാജിവെച്ച നടി പാര്വതി തിരുവോത്തിന് അഭിനന്ദനവുമായി സംവിധായകനും ഗാന രചയിതാവുമായ ശ്രീകുമാരന് തമ്പി. ഫേസ്ബുക്ക് കുറിപ്പിലൂടെ ആയിരുന്നു അദ്ദേഹം പര്വതിക്ക് അഭിനന്ദനം അറിയിച്ചത്.
അഭിനയ ജീവിതത്തില് ഭൗതിക നഷ്ടങ്ങളുണ്ടായേക്കാം എന്നറിഞ്ഞിരുന്നിട്ടും ഇങ്ങനെയൊരു ധൈര്യം കാണിച്ച പാര്വതിയില് നിന്നാണ് യഥാര്ഥ സ്ത്രീത്വം എന്താണെന്നു സിനിമാരംഗത്തെ കലാകാരികള് തിരിച്ചറിയേണ്ടതെന്ന് അദ്ദേഹം കുറിച്ചു.
Related News: പാര്വതി ‘അമ്മ’യില് നിന്നും പുറത്തേക്ക്
എ.എം.എം.എ. ജനറല് സെക്രട്ടറി ഇടവേള ബാബുവിന്റെ പരാമര്ശത്തില് പ്രതിഷേധം രേഖപ്പെടുത്തിയാണ് പാര്വതി സംഘടനയില് നിന്നും രാജി വെച്ചത്. കൂടാതെ ഇടവേള ബാബു രാജി വെക്കണം എന്നും പാര്വതി ശക്തമായി ആവശ്യം ഉന്നയിച്ചിരുന്നു.
അതേസമയം അര്ഹതയില്ലാതെ പ്രധാന സ്ഥാനത്തെത്തിയ ‘എക്സ്ട്രാ നടന്റെ’ കളിതമാശയായി സെക്രട്ടറിയുടെ അഭിപ്രായത്തെ തള്ളിക്കളയാതിരുന്നതാണ് പര്വതിയുടെ മേന്മയെന്നും ശ്രീകുമാരന് തമ്പി കുറിച്ചു. ഇടവേള ബാബുവിന്റെ പരാമര്ശത്തെ ‘അല്പ്പന് ഐശ്വര്യം വന്നാല് അര്ദ്ധരാത്രിക്കും കുട പിടിക്കും’ എന്ന പഴമൊഴിയോടാണ് ശ്രീകുമാരന് തമ്പി ഉപമിച്ചത്.
പാര്വതി തിരുവോത്തിന്റെ സ്ത്രീപക്ഷ നിലപാടിനെ മാനിക്കുന്നതായും മലയാളത്തിലെ സമാനതകളില്ലാത്ത നടിയാണ് പാര്വതിയെന്നും അദ്ദേഹം തന്റെ കുറിപ്പിലൂടെ പറഞ്ഞു.
Read Also: ടിആര്പി തട്ടിപ്പ്; മുന് ഹന്സ ജീവനക്കാരന് അറസ്റ്റിൽ