തിരുവനന്തപുരം: എസ്എസ്എൽസി പരീക്ഷാ ഫലം നാളെ ഉച്ചയോടെ പ്രഖ്യാപിക്കും. ഇന്ന് പരീക്ഷാ ബോർഡ് യോഗം ചേർന്ന് ഫലത്തിന് അംഗീകാരം നൽകും. ഏപ്രിൽ 8ന് ആരംഭിച്ച പരീക്ഷ 28നാണ് അവസാനിച്ചത്. 4.12 ലക്ഷം വിദ്യാർഥികൾ പരീക്ഷയെഴുതി. ഫലം ബുധനാഴ്ച ഉച്ചക്ക് 2ന് പിആർഡി ചേംബറിൽ വെച്ച് വിദ്യാഭ്യാസ മന്ത്രി വി ശിവൻകുട്ടിയാണ് പ്രഖ്യാപിക്കുക.
ഇതോടൊപ്പം തന്നെ ടിഎച്ച്എസ്എൽസി (ഹിയറിങ് ഇംപേർഡ്), എഎച്ച്എസ്എൽസി, എസ്എസ്എൽസി (ഹിയറിങ് ഇംപേർഡ്) എന്നീ പരീക്ഷകളുടെ ഫലവും പ്രഖ്യാപിക്കും. അതേസമയം, ഗ്രേസ് മാർക്ക് വിഷയത്തിൽ ഇതുവരെ തീരുമാനമായില്ല. ഇത് സംബന്ധിച്ച് കുട്ടികൾ പരാതി ഉന്നയിച്ചിട്ടുണ്ട്, എൻസിസി, സ്കൗട്ട്സ് എന്നിവർക്ക് ഗ്രേസ് മാർക്ക് നൽകണമെന്നാണ് ആവശ്യം.
Also Read: സ്ത്രീധന, പീഡന പരാതികളിൽ അടിയന്തര നടപടി സ്വീകരിക്കണം; ഡിജിപി