കണ്ണൂർ: കെ-റെയിൽ വിഷയത്തിൽ ശശി തരൂർ എംപി സ്വീകരിക്കുന്ന നിലപാടിൽ പരോക്ഷ വിമർശനവുമായി കെപിസിസി അധ്യക്ഷൻ കെ സുധാകരൻ എംപി. സില്‍വര്‍ ലൈന്‍ പദ്ധതിയുടെ പേരില്‍ ഇരിക്കുന്നിടം കുഴിക്കാന്‍ ആരെയും അനുവദിക്കില്ല. തരൂര്‍ എന്ന വ്യക്‌തിയെയും അദ്ദേഹത്തിന്റെ ലോകപരിചയത്തെയും അംഗീകരിക്കുന്നു. എന്നാൽ അദ്ദേഹം കോൺഗ്രസ് വൃത്തത്തിൽ ഒതുങ്ങാത്തയാളാണ്. തരൂരിനെ നേരിൽ കണ്ട് സംസാരിക്കുമെന്നും സുധാകരൻ പറഞ്ഞു.
തരൂർ അദ്ദേഹത്തിന്റെ കാഴ്‌ചപ്പാടുകൾ പ്രകടിപ്പിക്കുന്നതിലും പറയുന്നതിലും തെറ്റില്ല. പക്ഷേ ആത്യന്തികമായി പാർട്ടി നയത്തോടൊപ്പം ഒതുങ്ങി നിൽക്കാനും പാർട്ടിയുടെ തീരുമാനത്തിനൊപ്പം നിൽക്കാനും സാധിക്കണമെന്നാണ് കോൺഗ്രസിന്റെ അഭ്യർഥനയെന്നും സുധാകരൻ കൂട്ടിച്ചേർത്തു.
Read also: കോട്ടയം മെഡിക്കൽ കോളേജിലെ മാലിന്യ പ്ളാന്റിൽ തീപിടുത്തം
