സണ്ണി വെയ്ൻ നായകനായെത്തുന്ന ഏറ്റവും പുതിയ ചിത്രമാണ് ‘അപ്പൻ’. മജു കഥയെഴുതി സംവിധാനം ചെയ്യുന്ന ചിത്രത്തിന്റെ ടൈറ്റിൽ പോസ്റ്റർ കഴിഞ്ഞ ദിവസമാണ് അണിയറ പ്രവർത്തകർ പുറത്തുവിട്ടത്. ആകാംക്ഷയും കൗതുകവും ഉണർത്തുന്ന പോസ്റ്ററിന് മികച്ച പ്രതികരണമാണ് ലഭിക്കുന്നത്.
ടൈനി ഹാൻഡ്സ് പ്രൊഡക്ഷൻസിന്റെ ബാനറിനൊപ്പം സണ്ണി വെയ്ൻ പ്രൊഡക്ഷൻസും ചേർന്നാണ് ‘അപ്പൻ’ നിർമിക്കുന്നത്.
സണ്ണിയെ കൂടാതെ അനന്യ, ഗ്രേസ് ആൻറണി, പോളി വൽസൻ, അലൻസിയർ തുടങ്ങിയവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്.
സിനിമയുടെ ചിത്രീകരണം തൊടുപുഴയിൽ പുരോഗമിക്കുകയാണ്.
സംവിധായകനൊപ്പം ആർ ജയകുമാറും ചേർന്നാണ് ചിത്രത്തിന്റെ തിരക്കഥയും സംഭാഷണവും ഒരുക്കിയിരിക്കുന്നത്. പപ്പു, വിനോദ് ഇല്ലമ്പിള്ളി എന്നിവരാണ് ഛായാഗ്രാഹകർ. എഡിറ്റിംഗ് കിരൺ ദാസും സംഗീതം ഡോൺ വിൻസെന്റും നിർവഹിക്കുന്നു.
അതേസമയം ‘കുറുപ്പ്, പിടികിട്ടാപ്പുള്ളി, കുറ്റവും ശിക്ഷയും, വൃത്തം, ത്രയം’ തുടങ്ങി നിരവധി ചിത്രങ്ങളാണ് സണ്ണിയുടേതായി അണിയറയിൽ ഒരുങ്ങുന്നത്. ‘സാറാസ്’ ആണ് സണ്ണി വെയ്ൻ നായകനായി ഒടുവിൽ പുറത്തിറങ്ങിയ ചിത്രം.
Most Read: ‘ഈശോ’യെ പോലെയെന്ന് ആരാധകര്; സോഷ്യൽ മീഡിയ കീഴടക്കി നിവിന്റെ പുത്തൻ ലുക്ക്