കൽപ്പറ്റ: വയനാട്ടിൽ കോവിഡ് പ്രതിരോധ വാക്സിൻ സ്വീകരിക്കാത്തവരെ കണ്ടെത്താൻ സർവേ നടത്തുന്നു. വാക്സിൻ സ്വീകരിക്കുന്നതിന് ആരോഗ്യ പ്രശ്നങ്ങളില്ലാത്തവർ, ഇതുവരെ ഒന്നാം ഡോസ് വാക്സിൻ സ്വീകരിക്കാത്ത ആളുകൾ, ഒന്നാം ഡോസ് സ്വീകരിച്ച് നിശ്ചിതസമയം കഴിഞ്ഞിട്ടും രണ്ടാം ഡോസ് സ്വീകരിക്കാത്തവർ എന്നിവരുടെ വിവരങ്ങളാണ് സർവേയിലൂടെ ശേഖരിക്കുക.
കുടുംബശ്രീ യൂണിറ്റുകളെയാണ് വിവര ശേഖരണത്തിനായി നിയോഗിച്ചിട്ടുള്ളത്. ഒക്ടോബർ 13 മുതൽ 20 വരെ സർവേ നടത്തി 23നകം റിപ്പോർട് നൽകുന്നതിന് പഞ്ചായത്ത്, മുനിസിപ്പാലിറ്റി സെക്രട്ടറിമാരെ ചുമതലപ്പെടുത്തി കളക്ടർ ഉത്തരവായി. ഗൂഗിൾ ഫോം മുഖേന നടത്തുന്ന സർവേയിൽ ഒരു വീട്ടിലെ മുഴുവൻ ആളുകളുടെയും വാക്സിനേഷൻ വിവരങ്ങൾ ശേഖരിക്കും.
Read Also: കെ റെയില്; പ്രതിപക്ഷം ഇന്ന് നിയമസഭയിൽ എതിര്പ്പ് അറിയിക്കും