തമിഴ് സൂപ്പർഹിറ്റ് ക്രൈം ത്രില്ലർ ‘രാക്ഷസൻ’ ഹിന്ദി റീമേക്കിങ്ങിന് ഒരുങ്ങുന്നു. അക്ഷയ് കുമാറാണ് ചിത്രത്തിൽ നായകനായി എത്തുന്നത്. ‘മിഷൻ സിൻഡ്രല്ല’ എന്ന് പേരിട്ടിരിക്കുന്ന ചിത്രത്തിൽ രാകുൽ പ്രീത് സിങ്ങാണ് നായിക. അക്ഷയ് കുമാറിനെ നായകനാക്കി ‘ബെൽബോട്ടം’ എന്ന ചിത്രം സംവിധാനം ചെയ്യുന്ന രഞ്ജിത്ത് എം തിവാരിയാണ് ‘മിഷൻ സിൻഡ്രല്ല’യും സംവിധാനം ചെയ്യുന്നത്.
Tamil thriller Blockbuster #Ratsasan Hindi remake titled #MissionCinedrella @akshaykumar and @Rakulpreet will play the lead roles..
— Ramesh Bala (@rameshlaus) June 30, 2021
തമിഴിൽ വിഷ്ണു വിശാലിനെ നായകനാക്കി രാംകുമാർ സംവിധാനം ചെയ്ത ‘രാക്ഷസൻ’ മികച്ച ത്രില്ലറെന്ന ഖ്യാതിയോടെ തിയേറ്ററുകളിൽ തകർത്താടിയിരുന്നു. തിയേറ്ററിൽ 100 വർഷം പൂർത്തിയാക്കിയ ചിത്രം വിഷ്ണുവിന്റെ കരിയറിലെ ഏറ്റവും വലിയ ഹിറ്റായിരുന്നു. സൈക്കോളജിക്കൽ ത്രില്ലറായി ഒരുക്കിയ ചിത്രത്തിൽ അമല പോളാണ് നായികയായി എത്തിയത്. ചിത്രം നേരത്തെ തെലുങ്കിലേക്കും റീമേക്ക് ചെയ്തിരുന്നു.
Read also: ‘മിഷന് സി’ ഹിന്ദി ഡബ്ബിംഗ് അവകാശം വിറ്റത് റെക്കോര്ഡ് തുകയ്ക്ക്